Turinchia

Turinchia (en alemán Freistaat Thüringen o Thüringen) ye un estato libre entre os 16 estatos federatos d'Alemanya, trescruzato por a selva de Turinchia y situato en o centro cheografico d'o país.

Estato libre de Turinchia
Freistaat Thüringen
Estau d'Alemanya
Flag of Thuringia.svg Escudo de  Estato libre de Turinchia
Bandera Escudo
Deutschland Lage von Thüringen.svg
Mapa de situación en Alemanya
Entidat
 • Estau
Estau
Flag of Germany.svg Alemanya
Capital Erfurt
Idioma oficial
 • Atros idiomas
Alemán
Alemán central
Superficie
 • Total

16 171.0 km²
Gubierno
 • Menistro president

Christine Lieberknecht
Población
 • Total (2013)
 • Densidat

2 161 000 hab.
133 hab/km²
ISO 3166-2 DE-TH
Pachina web oficial

A suya población ye de 2.157.000 habitants (2014) en una superficie de 16.172m50 km², con una densidat de población de 133 hab/km². Bellas ciudatz importants d'iste estato son Weimar, Erfurt, Eisenach y Jena.

CheografíaEditar

L'estato federato de Turinchia se troba enmeyo d'o territorio alemán, y poseye como vecins os estatos federatos d'Hesse (270 km), Bavera (381 km), Saxonia (265 km), Saxonia-Anhalt (296 km) y Baixa Saxonia (112 km). Turinchia perteneixe, de conchunta con Saxonia-Anhalt y Saxonia, a la denominada zona central d'Alemanya (Mitteldeutschland). A causa d'a suya gran cantidat de zonas boscosas se gosa denominar tamién a lo territorio de Turinchia como o «Corazón verde d'Alemanya» (Grüne Herz Deutschlands).

Os ríos mas importants de Turinchia son o Saale, o Ilm, o Werra, o Unstrut, asinas como o Weiße Elster. O mont mas alto dentro d'o estato ye lo Großer Beerberg, con una altaria de 982,9 m.

ClimaEditar

Turinchia se troba en a zona de clima moderau d'Europa Central con aires predominants d'o ueste. Dau que ya existen qualques cadenas montanyosas baixas protectoras entre as mars occidentals y Turinchia, o clima asti ye mas continental que en o ueste y norte d'Alemanya. Isto ye particularment evident en hibiernos mas fríos y veranos mas ixutos que en atras partes d'Alemanya.

Existen grans diferencias climaticas dentro de Turinchia. A cuenca de Turinchia en o centro d'o país se veye particularment afavorida. Ye rodiau de montanyas, por o que a menor cantidat de precipitación en Alemanya caye astí. Straussfurt tien o récord con 242 mm de precipitación anyal en 1911. A precipitación meya anyal en a cuenca de Turinchia ye de 400 a 500 mm con una temperatura meya anyal de 8,5 °C. As zonas montanyosas d'o país son climaticament sobre o promeyo alemán. En Gera, por eixemplo, cayen 624 mm de precipitación a una temperatura de 7,8 °C. As zonas montanyosas de Turinchia tienen un clima desfavorable. Asinas en Schmücke se mide un promeyo de 1289 mm de precipitación anyal a una temperatura de 4.4 graus Celsius. Astí a temperatura de chinero ye de -4 °C y a temperatura de chulio ye de 12,8 °C. En Artern, en l'extremo norte d'a cuenca de Turinchia, as valors pa istos meses son −0,7 °C y 17,6 °C.

DemografíaEditar

Evolución demografica
1950 1960 1970 1980 1990 2000 2015
2.932.242 2.737.865 2.759.084 2.730.368 2.611.319 2.431.255 2.170.714

Organización politico-administrativaEditar

As diez ciudatz mas importants son:

Puesto Nombre Población en 2012
1 Erfurt 203,485
2 Jena 106,915
3 Gera 95,384
4 Weimar 63,236
5 Gotha 44,371
6 Nordhausen 41,926
7 Eisenach 41,744
8 Suhl 35,967
9 Altenburg 33,343
10 Mühlhausen 33,235

Lista de menistro-presidents de TurinchiaEditar

Menistro-presidents de Turinchia
Nombre Partito politico Lechislatura
1 Hermann Brill SPD 1945-1945
2 Rudolf Paul SED 1945-1947
3 Werner Eggerath SED 1947-1952
Entre 1952 y 1990 o estau de Turinchia estió aboliu
4 Josef Duchač CDU 1990-1992
5 Bernhard Vogel CDU 1992-2003
6 Dieter Althaus CDU 2003-2009
7 Christine Lieberknecht CDU 2009-2014
8 Bodo Ramelow Die Linke 2014-hue

CulturaEditar

LuengasEditar

En iste estato, amás de l'alemán estandar, se charran o turinchián y l'alto saxón.

GastronomíaEditar

A cocina de Turinchia ye una rica y pro pesada que ye dominada por virollas con muita carne. As virollas mas conoixius son as mondonguillas de Turinchia feitas con trunfas (Thüringer Klöße), que se consideran o plato nacional, y o Rostbratwurst de Turinchia. As especialidatz d'embutius y cazata tamién chugan un paper important. Turinchia ye a sue de quantas biereras, como que por eixemplo as de Gotha, Altenburg, Apolda y Bad Köstritz.

Vinclos externosEditar


  Estaus d'Alemanya  

Baden-Wurtemberg | Bavera | Baixa Saxonia | Berlín | Brandemburgo | Bremen | Hamburgo | Hesse | Mecklemburgo-Pomerania Occidental | Renania d'o Norte-Westfalia | Renania-Palatinato | Sarre | Saxonia | Saxonia-Anhalt | Schleswig-Holstein | Turinchia