Larbesa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Larbesa ye un lugar medieval situau en l'actual municipio de Samianigo, en a comarca de l'Alto Galligo. Se trobaría amán d'Ipiés, en o tozal d'as Canyas.
| Larbesa | |
| Despoblau medieval d'Aragón | |
| Entidat • País • Provincia • Comarca • Municipio |
Despoblau medieval Aragón.svg){kind=small} UescaAlto Galligo Samianigo |
| Partiu chudicial | Chaca |
| Población • Total |
0 hab. |
| Altaria • Meyana |
930 m. |
| Parroquial • Diocesi • Arcipestrau |
Chaca Samianigo |
| Coordenadas | |
As restas que encara i quedan fan pensar que o lugar yera dividiu en dos nuclios deseparaus por una plana de bels 150 metros de largaria.
Toponimia
editarPodría tener o mismo orichen que Arbisa, significando "cauz d'un río" u venir d'o latín ARVUM, que significa "prau".[1]
Historia
editarBi ha dica ueito documentos en o Cartulario d'o monesterio de Fanlo que fan referencia iste lugar, toz dataus entre os anyos 958 y 1270.
Arredol d'o 958, o presbitero Fortún concede cuantas posesions suyas en Larbesa a o monesterio de Sant Salvador y Sant Andreu de Fanlo (doc. 2). Entre os anyos 1036 y 1057, García Fortunyones de Bailín cede a Sant Andreu de Fanlo o que heba crompau Fortún Garcés en Centenero, citando en o documento a os testigos d'a cesión (doc. 33):
Un atro documento de febrero de 1064 describe como Banzo, abat de Fanlo, merca casas en Chaca; actuando como testigo, entre otros, Lope Velázquez de Larvase (doc. 36). Ya en 1179, o bispe Berenguer de Leida concede a censo a García de Lastiesas y a la suya muller Petra unas propiedaz suyas en Larbesa (doc. 126).
En setiembre de 1205 ye documentau que l'abat d'o monesterio de Mont Aragón, Ferrando, concede por dos cheneracions a Pedro Sanfelipe de Larbesa y a la suya muller Martina, as posesions que teneba o monesterio de Fanlo en Centenero, difueras d'un molín (doc. 138). En l'anyo 1234 serán Domingo Claviger y a suya muller Jordana qui concedan cuantas posesions en Larbesa a os monesterios de Fanlo, Sant Veturián y Mont Aragón (doc. 160). Bi ha tamién dos documentos mas de l'anyo 1235 (docs. 161 y 162) que fan referencia a heredaz de Gil de Gronostué en Larbesa. Amás en un documento de l'1 d'abril de 1270 se nombra a Adam de Larbessa (doc. 170).
Existe tamién un documento con calendata de 1188, en o que o rei Alifonso II d'Aragón entregaba o castiello d'Atarés con as suyas posesions a o monesterio de Santa Cruz d'as Serors, entre as que se trobaban "Sarasa, Larbesa, Arrasella (...)". A ilesia de Sant Felipe de Larbesa —"iuxta Fanlum monasterium"— fue donada a o monesterio de Sant Chuan d'a Penya por o bispe García, que la heba recibiu antis d'o rei Remiro I d'Aragón.
En a división d'o termin municipal de Samianigo en 1797, a pardina de Larbesa encara feba parti d'os monts de Fanlo.
En los anyos 1960 se tresladó enta la pardina de Larbesa la frontera de la ilesia de Sant Lorient d'Ibor.[2]
Referencias
editar- ↑ (es) Geografía medieval de Serrablo. José Miguel Navarro López. Colección «A Lazena de yaya», 15. ISBN 84-8127-104-7
- ↑ (es) Iglesia de San Lorenzo de Ibort en o sitio web d'o Sistema de Información del Patrimonio Cultural Aragonés.
| Lugars desapareixius d'o municipio de Samianigo | |
|---|---|
| Aracastiello | Bailín | Belmonde | Calveras | Cerceles | Centenero | Civitatella | Estaún | Gronostué | Huertalo | Ipe | Larbesa | Larrué | Luxués | Muro | Novalla | Orzandué | Perula | Portiella | Senés | Sericata | Ubieto | Urbán | Vilás |
Datos: Q110099898
