Centenero (Samianigo)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Centenero yera un lugar medieval y actual pardina, a pardina de Centenero, situada en o municipio de Samianigo.

Centenero
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Samianigo
Partiu chudicial	Chaca
Población  • Total	0 hab.
Altaria  • Meyana	800 m.
Parroquial  • Diocesi  • Arcipestrau	Chaca Samianigo
Coordenadas	42°25’33’’N 0°15’50’’U
Centenero Centenero en Aragón

Toponimia

Ye un toponimo descriptivo d'a vegetación d'o lugar, o "centeno", con o sufixo d'abundancia -ero, ye decir, un puesto a on se produciba centeno'.

Historia

En o Cartulario d'o monesterio de Fanlo (doc. 20) apareixe documentau en 1036 una crompa de Banzo, abat d'o cenobio, a donya Emeteria d'Ibort y os suyos fillos d'as suyas posesions en Centenero, en a que apareixe como testigo, entre atros, "Garsias abbas de Centenero":

[...] Quantum ibi habuit illa domna Emeteria in terris et vineis, pascuis et equis, pratis vel domibus [...]

En atro documento, d'entre 1036 y 1057, apareixe iste lugar en l'alpartau adedicau a Bailín (doc. 33). Entre os anyos 1072 y 1086, l'abat Ximeno de Fanlo concede a censo cuantas fincas en Centenero y atros lugars a diferents personas (doc. 79).

En 1134, o rei d'Aragón Remiro II concede a villa de Centenero a o suyo alférez Pero López (doc. 111), qui ye probablement o mesmo Pero López, natural d'Arto, que concede a o monesterio de Fanlo dos escusaus que teneba en posesión en o mesmo lugar de Centenero (doc. 120).

Bi ha encara atro documento, con calendata de sptiembre de 1205 (doc. 138), a on se nombra o lugar en l'alpartau adedicau a Larbesa.