Eixea

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo trata sobre Eixea. Pa atros empllegos d'el toponimo Exeya se veiga Exeya (desambigación).

Esta pachina ye escrita en ribagorzano.

Eixea, Ixea u Eixeya (Egea en castellano y oficialment) é un llugar aragonés de la vall de Lierp, que perteneix a'l municipio que tamé se diu aixina, en la comarca de Ribagorza de la provincia de Uesca. La suya población en 2018 eba de 17 habitants.

Eixea Egea
Lugar d'Aragón
Ilesia de Sant Esteban y el Turbón dezaga.
Entidat  • País  • Provincia  • Comarca  • Municipio	Lugar  Aragón  Uesca Ribagorza Vall de Lierp
Partiu chudicial	Boltanya
Población  • Total	20 hab. (2020)
Altaria  • Meyana	1012 m.
Distancia  • 126 km	enta Uesca
Codigo postal	22451
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Istevan protomártir
Coordenadas	42°22’46’’N 0°28’36’’E
Eixea Eixea en Aragón

Toponimia

Seguntes Moisés Selfa el nombre puede estar d'orichen basco, Etxea, y significar «casa». Bienvenido Mascaray puntualiza que en basco-iberico la radiz de las pallabras (etxe-) no tene desinencia posible pa fer veyer el chenero ni el numero. Alavez, se le apegaba ixa -a que le allporta la valor de determinant pero no tene un significau concreto de chenero ni de numero. Por ixo, Etxea puede estar «la casa», pero tamén «las casas».

En 1135 se tene noticia d'un Bertran in Exeia; en 1608 ya é documentau como Exea, sin la -y- pa desfer el hiato.

Casas

Las casas d'Eixea son: casa l'Aguedeta, casa l'Albanyil, casa l'Alpargatero, casa l'Antonia, casa Baltasar, casa Blasco, casa Cecilia, casa Ferrer, casa Palacín, casa el Rallero, casa Ramón, casa Sastre, casa Sabel, casa Tomasa y casa Trinidad.

Historia

La primer mención é d'entre 1101 y 1106 a'l Cartulario de Roda. El 18 de febrero de 1417 Alifonso V d'Aragón le va vender la baronía d'Eixea a Berenguer de Bardaixí.

Yeba llugar en 1785, aldeya en 1834 y una atra vegada llugar en 1857.

Llengua

Como tot el municipio de vall de Lierp, Eixea é en zona de transición llingüistica entre l'aragonés y el catalán, en las suyas variants ribagorzanas. Eixea é a la parte occidental de la vall, aon las aiguas marchan cara ta l'Esera, como tamén Pueyo, Sarrat, Padarnín y l'Obago. La parla d'esta parte de la vall se considera aragonés ribagorzano de transición ta catalán, mentres que la parte oriental (Piniello y Reperós) s'ha cllasificau como catalán ribagorzano de transición ta aragonés.

La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca.

Rechistro

Entre que se feba el prochecto de l'Archivo Audiovisual de l'Aragonés, que se va fer dende l'anyo 2001 y enta debant, con la finalidat de documentar d'una traza grafica los parlars vivos de los diferents llugars aragonesofonos de l'Alto Aragón, se va grabar en video conversacions y expllicacions sobre la vida tradicional per parte de parladors patrimonials de la parla local d'Eixea y de Padarnín, que son aldeyas de Vall de Lierp. Las ditas grabacions son disponibles a la plataforma YouTube.

Demografía

Evolución demografica

1992 1994 1996 1997 1998 1999 2000 2001 2002 - - - - - - 18 18 17

2003 2004 2005 2006 2007 2008 2009 2010 2011 15 15 15 13 13 12 11 17 21

2012 2013 2014 2015 2016 2017 2018 2019 2020 20 19 19 18 18 17 17 15 20

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Monumentos

Casa l'Albanyil, un eixemplo d'arquitectura tipica de la vall de Lierp.

• Ilesia parroquial romanica, consagrada a Sant Esteban, a la que se le va anyadir las capillas de los costaus y la torre campanal en el siglo XVI.
• L'abadía reformada aculle la Casa de la Vila d'el municipio de Vall de Lierp en l'actualidat, a'l cantet mesmo de la ilesia.
• Arquitectura popular. Son tipicos els tellaus de dos versants con cubierta de tellas royas.
• Ermita de Sant Antón de Padua, que en antes va estar de Sant Cristofo.
• Ermita de Santa Magdalena. Regular que va tener una casa a'l canto, pero que s'ha perdiu, porque en l'any 1900 esta ermita teneba 3 habitants de censo.

Festas

Con toz els llugars de la Vall, fan las festas de conchunta. Este é el calendario festivo de vall de Lierp:

• La festa menor é pa Santa Agueda, el 5 de febrero.
• 13 de chunio, romería enta la ermita de Sant Antón.
• 29 de chunio, romería enta la ermita de Sant Pedro en Padarnín.
• 2 de chuliol, romería enta la ermita de la Virchen d'el Pueyo, entre Eixea y l'Obago.
• La festa mayor tradicionalment eba el 4 y 5 de setiembre. Actualment les festas con Semana Cultural se fan la semana antes de la zaguera d'agosto.

Vinclos externos

• Se veigan as imáchens de Commons sobre Eixea.
• (an) Pesca y Guiso de Lliebre, videos de l'Archivo Audiovisual de l'Aragonés sobre la parla autoctona en Eixea (Valle de Lierp).

• Datos: Q58191231
• Multimedia: Egea / Q58191231