Piniello
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Piniello (en castellano Piñiello) é un llugar d'el municipio de Vall de Lierp, a la comarca de Ribagorza y la provincia de Uesca. No ten habitants dende fa anys.
| Piniello Piñiello | |
| Despoblau d'Aragón | |
| Entidat • País • Provincia • Comarca • Municipio |
Despoblau Aragón.svg){kind=small} UescaRibagorza Vall de Lierp |
| Partiu chudicial | Boltanya |
| Población • Total |
0 hab. |
| Codigo postal | 22451 |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Coordenadas | |
 Esta pachina ye escrita en ribagorzano.
|
Cheografía
editarA la solana d'el macizo de Turbón, Piniello é alto d'el sarrau que fa de divisoria d'aiguas entre la cuenca hidrografica d'el barranco d'els Mollars, afluent de l'Esera ta ponent per la vall de Lierp y dimpués la vall de Bardaixín, y la d'el barranco de la Vall, que é afluent de l'Isabana y marcha ta llevant per la vall de la Ribera. Forman el llugar tres casas, en dos barrios, que se conoixen como Piniello de Dal y Piniello de Baix.
Llengua
editarEn estand chusto a'l puesto aon cambia la baixant, Piniello espingateya tamén a'l suposau llindero entre el catalán ribagorzano y l'aragonés ribagorzano, que de fet a la comarca no tene una boga cllara y forma parlars que son intercomprensibles. Manimenos, dende el punto d'envista academico s'ha citau que é per astí per aon é la división entre els dos idiomas, y ho que se parlaba en Piniello se va cllasificar en el catalán de transición ta aragonés, como tamé el de Reperós, que é mes t'abaix per la Ribera, mentres que ho que se charra d'aquí ta l'ueste se diu que é aragonés de transición ta catalán, como en Sarrat, Pueyo, Padarnín y a la cabecera municipal, Eixeya. Las diferencias son pocas y molt graduals a esta parte de Ribagorza.
Toponimia
editarEl nome de Piniello ven molt probablement d'el llatín <PINUS, «pino»,[1] en una forma diminutiva.[2] La palabra muestra la diptongación caracteristica de la fonetica aragonesa: -IELLO.
Festas
editarCon toz els llugars de la Vall, fan las festas de conchunta. Este é el calendario festivo de vall de Lierp:[3]
- La festa menor é pa Santa Agueda, el 5 de febrero.
- 13 de chunio, romería enta la ermita de Sant Antón.
- 29 de chunio, romería enta la ermita de Sant Pedro en Padarnín.
- 2 de chuliol, romería enta la ermita de la Virchen d'el Pueyo, entre Eixea y l'Obago.
- La festa mayor tradicionalment eba el 4 y 5 de setiembre. Actualment les festas con Semana Cultural se fan la semana antes de la zaguera d'agosto.
Referencias
editar- ↑ (an) MIGUEL BALLESTÍN, Pascual, Toponimia Mayor de Aragón; pp. 427-428. Institución «Fernando el Católico» + Gara d'Edizions. Zaragoza, 2014. ISBN 978-84-8094-059-7
- ↑ (es) Piniello; consultada el 24 de mayo de 2019.
- ↑ (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.
| Lugars d'el municipio de la Vall de Lierp | |
|---|---|
| Poblaus: Eixea | Padarnín | Pueyo | Reperós | L'Obago | Sarrat Despoblaus: Piniello |
Datos: Q13049861
