L'Obago
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo charra sobre l'Obago, aldeya ribagorzana que en castellano y oficialment se diz «Sala». Pa atros empllegos d'el toponimo «Sala» se veiga Sala (desambigación).
 Esta pachina ye escrita en ribagorzano.
|
L'Obago[1][2] u las Casas de l'Obago[1] (en catalán y en castellano y oficialment Sala) é un llugar d'el municipio de vall de Lierp, en la comarca de Ribagorza, en la provincia de Uesca. En 2018 teniba una población de 7 habitants.
| L'Obago Sala | |
| Lugar d'Aragón | |
.jpg) El barrio de Sala visto dende el de Pociello. De conchunta forman l'Obago. | |
| Entidat • País • Provincia • Comarca • Municipio |
Lugar Aragón.svg){kind=small} UescaRibagorza Vall de Lierp |
| Partiu chudicial | Boltanya |
| Población • Total |
7 hab. (2018) |
| Altaria • Meyana |
1080 m. |
| Codigo postal | 22451 |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Coordenadas | |
El llugar é formau de dos barrios deseparaus bels cientos de metros: el zaguero é Sala, y el primero é Pociello. En els nomenclátors oficials en castellano tot el llugar se diu «Sala», en ho que é una error de bulto de toponimia.[2]
Cheografía
editarL'Obago é en la baixant de la penya d'el Turmo y la tuca de Sant Pedro, que fa parte de la man pocina de la serra d'el Chordal, mirand ta la vall de Lierp. Domina el paisache de la zona central de la vall de Lierp dende un colladón ben maho, con el prau d'els Mollars (PIC) per debaixo, y chusto adebant suyo tota la imponencia d'el Turbón.
Pa apllegar enta astí, cal pillar la pista en Eixea que pasa per adebant de l'esbarre que se'n va ta la ermita de Santa María d'el Pueyo.
Els dos barrios
editar.jpg)
El llugar el forman dos barrios diferenciaus ben a las cllaras: Sala y Pociello. De Sala, que é el barrio que se troba mes a l'este, mos en diu Bienvenido Mascaray que va quedar despobllau en els anyos 1960,[3] habend-se reubierto las casas ya mes en zagueras. Tene cuatro casas y una ilesia, feita enrunas, que yeba la sola ilesia romanica de tota la vall.[2] É una ilesia molto chicorrona, con nau en cruz latina, que se va esbolldregar ya fa anys y no s'ha puesto refer.
El barrio de Pociello tene la casa mes graniza de l'Obago: casa el Roy, que é una casona noble con una capelleta anexa que en temps teniban els amos pa uso exclusivo.[2] Una segunda casa mes modesta, anque no guaire pobre ni pior d'el que podem trobar per cualsiquier atro llugar, é chusto a'l cantet de la primera. Esta casa se va arribar a cayer en el pasau siglo XX,[3] pero en l'actualidat é reconstruida.
Casas
editarLas casas de l'Obago son: casa el Roy a'l barrio de Pociello, y casa Baile, casa Soltero y casa Tremasrocas[4] a'l de Sala.
Nombre
editarSe diu tamé Casas de l'Obago per estar en un obago. Las primeras mencions de Sala son de 1607 y 1613.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Llengua
editarComo tot el municipio de vall de Lierp, l'Obago é en zona de transición llingüistica entre l'aragonés y el catalán, en las suyas variants ribagorzanas. L'Obago é a la parte occidental de la vall, aon las aiguas marchan cara ta l'Esera, como tamén Pueyo, Eixea, Padarnín y Sarrat. La parla d'esta parte de la vall se considera aragonés ribagorzano de transición ta catalán, mentres que la parte oriental (Piniello y Reperós) s'ha calsificau como catalán ribagorzano de transición ta aragonés.
La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca.
Festas
editarCon toz els llugars de la Vall, fan las festas de conchunta. Este é el calendario festivo de vall de Lierp:[5]
- La festa menor é pa Santa Agueda, el 5 de febrero.
- 13 de chunio, romería enta la ermita de Sant Antón.
- 29 de chunio, romería enta la ermita de Sant Pedro en Padarnín.
- 2 de chuliol, romería enta la ermita de la Virchen d'el Pueyo, entre Eixea y l'Obago.
- La festa mayor tradicionalment eba el 4 y 5 de setiembre. Actualment las festas con Semana Cultural se fan la semana antes de la zaguera d'agosto.
Referencias
editar- ↑ 1,0 1,1 (an) Video Noms dels llugás de l'Archivo Audiovisual de l'Aragonés, feit a Padarnín por l'Asociación Cultural Parola.
- ↑ 2,0 2,1 2,2 2,3 Cartel informativo d'el concello de Vall de Lierp que se troba en l'Obago en el barrio de Sala.
- ↑ 3,0 3,1 (es) Articlo Eixea, Sala, Serrate de 4 d'octubre de 2015 a'l Diario del Alto Aragón; consultau el 27 d'abril de 2019.
- ↑ (es) SELFA SASTRE, Moisés. Toponimia de Ribagorza. Municipio de Valle de Lierp. Colección Toponimia de Ribagorza. Editorial Milenio. Lleida, 2003. ISBN 4-9743-089-1
- ↑ (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.
Vinclos externos
editar
| Lugars d'el municipio de la Vall de Lierp | |
|---|---|
| Poblaus: Eixea | Padarnín | Pueyo | Reperós | L'Obago | Sarrat Despoblaus: Piniello |
