Pueyo (Vall de Lierp)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo tracta sobre el llugar de Pueyo, en la Vall de Lierp. Pa atros empllegos d'el toponimo Pueyo se veiga Pueyo (desambigación).
 Esta pachina ye escrita en ribagorzano.
|
Pueyo (en catalán El Pueio) é un llugar d'el municipio aragonés de Vall de Lierp, en la vall que tamé se diu aixina, en la comarca de Ribagorza y la provincia de Uesca.
| Pueyo El Pueio | |
| Lugar d'Aragón | |
| Entidat • País • Provincia • Comarca • Municipio |
Lugar Aragón.svg){kind=small} UescaRibagorza Vall de Lierp |
| Partiu chudicial | Boltanya |
| Población • Total |
5 hab. |
| Altaria • Meyana |
1.175 m. |
| Codigo postal | 22451 |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Coordenadas | |
.jpg)
É una aldeya que tene dos casas ubiertas y en 2018 teniba 5 habitants.[1] Se troba molt cerca de Sarrat, a la mesma falda d'el Turbón pero una miqueta mes alto.
Cheografía
editarSe troba en una zona d'el Turbón aon el cultivo é mes que mes en feixas superposadas per la versant. No i ha guaire selva, anque en temps en i heba habiu mes.[2] Teniba molta vinya hasta que se va malmeter per la filoxera.
Per cerca d'aon é Pueyo i pasaba la ceclla que llievaba l'aigua dende las Vilas, en l'atra man de la montanya en la cabecera de la vall de la Ribera, hasta Sarrat, y que serviba pa regar a las casas d'esta parte. La ceclla se va rematar secand per exceso d'uso y obtención d'aigua en las Vilas.[2]
Tanto Pueyo como Sarrat son en la complleguera alta d'el barranco de Sarrat, que s'achunta con el de Sala a la pradera inundable d'els Mollars, en el fondo de la Vall.
Toponimia
editarEl nom de Pueyo le vene d'el latín <PODIUM, que significa «puesto altero».[3] Ixo é ho que afirma la mayoría d'investigadors, porque é un toponimo común en Aragón y especialment en l'Alto Aragón. Manimenos, un cierto autor local afirma que el toponimo Pueyo y toz los atros que n'i ha en realidat venen d'el basco u basco-iberico -oi, que significaría «prau», «puesto de pastura» u «defesa», con l'anyadiu de la desinencia -on que sinificaría «altura».[3] Esta tesi tene menos adeptos.
La primer mención é de 1381[3] (Vinya de Gil de lo Pueyo), dimpués en tenim unatra de 1627. La forma de Serrate ye un anyadiu oficial pa diferenciar-lo d'atros Pueyos.
A'l cantet a l'este de Pueyo i ha una partida que en dicen Rebollar, nome curioso ya que en Teruel é como se diz a un caixigar y en esta zona a'l caixigo le dicen caixigo. A'l sud i ha una ermita dita Paniello, igual que el llugar homonimo de la Baixa Ribagorza.
Casas
editarLas casas de Pueyo son: casa Chulián, casa Latorre y casa Marquet.[4]
Llengua
editarComo tot el municipio de vall de Lierp, Pueyo é en zona de transición llingüistica entre l'aragonés y el catalán, en las suyas variants ribagorzanas. Pueyo y Sarrat a la parte occidental de la vall, aon las aiguas marchan cara ta l'Esera, como tamén Eixea, Padarnín y l'Obago. La parla d'esta parte de la vall se considera aragonés ribagorzano de transición ta catalán, mentres que la parte oriental (Piniello y Reperós) s'ha calsificau como catalán ribagorzano de transición ta aragonés.
La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Festas
editarCon toz els llugars de la Vall, fan las festas de conchunta. Este é el calendario festivo de vall de Lierp:[5]
- La festa menor é pa Santa Agueda, el 5 de febrero.
- 13 de chunio, romería enta la ermita de Sant Antón.
- 29 de chunio, romería enta la ermita de Sant Pedro en Padarnín.
- 2 de chuliol, romería enta la ermita de la Virchen d'el Pueyo, entre Eixea y l'Obago.
- La festa mayor tradicionalment eba el 4 y 5 de setiembre. Actualment las festas con Semana Cultural se fan la semana antes de la zaguera d'agosto.
Referencias
editar- ↑ (es) Nomenclátor: Población del Padrón Continuo por Unidad Poblacional a 1 de enero ; consultau el 23 de mayo de 2019.
- ↑ 2,0 2,1 (es) Fauna y Flora a la web de l'Ayuntamiento de Vall de Lierp, consultada el 28 d'abril de 2019.
- ↑ 3,0 3,1 3,2 (an) MIGUEL BALLESTÍN, Pascual, Toponimia Mayor de Aragón; Institución «Fernando el Católico» + Gara d'Edizions. Zaragoza, 2014. ISBN 978-84-8094-059-7
- ↑ (es) SELFA SASTRE, Moisés. Toponimia de Ribagorza. Municipio de Valle de Lierp. Colección Toponimia de Ribagorza. Editorial Milenio. Lleida, 2003. ISBN 4-9743-089-1
- ↑ (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.
Vincllos externos
editar
| Lugars d'el municipio de la Vall de Lierp | |
|---|---|
| Poblaus: Eixea | Padarnín | Pueyo | Reperós | L'Obago | Sarrat Despoblaus: Piniello |
Datos: Q20617335
Multimedia: Pueyo (Valle de Lierp) / Q20617335
