Ixadico
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
L'ixadico, aixadico u xadico ye una ferramienta agricola d'a familia d'as ixadas, pero de menor mida. Tiene a fuella d'o tozuelo más estreta que as ixadas y os ixadons, por o que sirve millor pa repicar y pior pa sacar a tierra.
L'ixadico ye una ferramienta d'a huerta y sirve pa repicar as malas hierbas. En o riego a manta, sirve pa lebantar glebas y conducir l'augua por os vallos d'o huerto.
Igual como as atras ferramientas d'a familia d'a ixada, a forma foneticament castellanizada d'o suyo nombre ye prou más comun por tot Aragón que la orichinal aragonesa: «hadico» (/xa'diko/, grafía castellana: jadico).