Eriobotrya japonica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Eriobotrya japonica | |
|---|---|
 | |
| Denominacions populars | |
Niespolera, nispolera, nispolero, niespolero, iezpolero, nisporera, bellomera [1]
| |
| Estau de conservación | |
| Clasificación cientifica | |
| Eukaryota | |
| Plantae | |
| Espermatophyta | |
| Magnoliophyta | |
| Magnoliopsida | |
| Rosales | |
| Rosaceae | |
| Amygdaloideae | |
| Maleae | |
| Eriobotrya | |
| E. japonica | |
| Descripción | |
A niespolera[2] u nispolera,[2] tamién conoixida con as variants masculinas niespolero y nispolero[2] (cientificament, en latín, Eriobotrya japonica (THUNB.) LINDL., 1821)) ye un árbol perennifolio d'a familia d'as rosacias, concabiu en a tribu Maleae, cautivau mas que mas por o suyo fruito comestible: a niéspola.
Ye una especie introducida, natural d'o sudeste de China, que s'adapta con facilidat a muitos atros climas suaus. Actualment ye aclimatada en a Peninsula Iberica y as islas Canarias y Balears. En toz ixes puestos s'ha tornau un árbol fruital de cultura habitual, desplazando a la niespolera autoctona (Mespilus germanica) como árbol productor de niéspolas pa consumo humano. Por contraposición con a suya parient europea, se le puede dicir niespolero/a de Chapón[3] pa fer a diferencia.
Descripción
editarYe un árbol de fuella perén d'entre 6 y 8 metros d'altaria, con a corona arronchada, o tronco curto y charramiau dende poca altaria, con ramas largas y diafanas y as brancas mas chóvens con pubescencia.
As fuellas son grans, d'entre 10 y 30 cm de largo por 5–10 cm d'amplo, simples, alternas, oblongas u oblongo-elipticas, con peciolo curto y laderas aserradas. Son verde intensa, coriacias, con a nervadura muit marcada y pubescents (especialment por o envés).
As flors amaneixen en agüerro, fendo parte d'inflorescencias en panicula, d'entre 10 y 19 cm de lonchitut. O pedicelo de cada flor fa entre 5 y 8 milimetros de lonchitut y ye cubierto de pubescencia marrón u parduzca. Cada flor individual mesura entre 1.2 y 2 cm, con o cáliz feto de sepalos parcialment fusionaus, con nomás os ápex libres, fusionaus con o hipanto, que encara ye pubescent y parduzco. Os petalos que forman a corola son libres, blancos y pentameros. Os ovarios son inferos, con 5 loculos y 2 ovulos cada un.
Fruito
editarA niéspola d'Eriobotrya japonica ye un pomo piriforme u oblongo, 3–6 cm x 1,5–5 cm. O epicarpio ye piloso u glabro, cuan ye maduro de color narancha u amariella, de camín pa finals de l'hibierno u comienzos d'a primavera.
A pulpa ye dulce u tansament acida, amariella u narancha, con simients muit grans en l'interior (de regular se dicen «ruellos», como es d'o presiego y a cerolla), que son angulosas y con forma variable, con numeros diversos; entre 1 y 5 en cada niéspola.
Imáchens
editar-
-
Inflorescencia. -
-
-
Árbol.
Se veiga tamién
editarReferencias
editar- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 2,2 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
- ↑ L'apelativo chaponés u de Chapón s'adhibe en a mayoría de luengas vicinas de l'aragonés: Níspero de Japón (es), Nesprer del Japó (ca), Néflier du Japon (fr), etc. pa diferenciar-lo d'o garimbastero u Niespolero europeu.
Vinclos externos
editar
Se veigan as imáchens de Commons sobre Eriobotrya japonica.
Wikispecies tiene un articlo sobre Eriobotrya japonica.
Datos: Q41505- Multimedia: Eriobotrya japonica / Q41505
- Especies: Rhaphiolepis bibas
