Abrir menú principal

Niéspola

pachina de desambigación
Detalle d'una niéspola.

A niéspola u níspola (d'o latín <*MESPILA, femenino de <MESPILU, con o mesmo significau) ye o fruito caracteristico d'as niespoleras, árbols fruitals d'a familia d'as rosacias y a tribu Maleae con fuellas y fruitos muit reconoixibles. Ye una fruita comestible y se cautiva pa consumo.

Dende o punto d'envista botanico, a niéspola ye un pomo prou normal, piriforme, oblongo u elipsoide-oblongo, de bells 3-6 cm de largo por 1,5-5 cm de diametro. O fruito ye amariello u anaranchau, muit pocas vegadas arriba a estar soro u royisco. Quan ye madura, a pulpa ye sucosa y dulce, y a pela ye glabra u una miqueta pilosa. En Europa se'n culle d'abril dica chunio.

Como tamién pasa con atras fruitas con estructura de pomo, a niéspola puede tener más d'un ruello adintro, que ye la simient. Isto pasa porque a flor de l'árbol gosa tener más d'un ovulo en l'ovario (lo tipico ye dos) y, caso que a flor se fecunde, se desenvolica como dos endocarpios pretos la un contra l'atro en o interior d'o fruito, que pueden tener mesmo midas diferents entre els.

Unatra caracteristica d'a niéspola ye que ye una d'as pocas parolas esdruixulas en aragonés, porque ha conservau a silaba tonica en a mesma posición que a teneba en latín.

Se veiga tamiénEditar

Vinclos externosEditar