Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre a marguin d'as fuellas. Pa atros emplegos de marguin, se veiga Marguin (desambigación)..

En Botanica, a marguin d'una fuella u marguin foliar ye cada una d'as laderas u limites laterals d'o limbo foliar, que puede tener formas diferents.

Una fuella con marguins aserradas.

A forma que presenta la marguin ye un caracter obchecto d'estudeo que s'emplega pa clasificar taxonomicament as especies de plantas, mesmo que pasa con a morfolochía d'o limbo, a nervadura, etc.

Formas de marguins foliars editar

As formas clasicas en a morfolochía d'as marguins son termins botanicos recurrents, que s'emplega necesariament en a descripción d'as especies vechetals.

Muitas vegadas a terminolochía asociada a la marguin foliar se trescruza con a terminolochía asociada a o limbo foliar, en tanto que son partes no deseparables d'una mesma superficie: a fuella. Ixo quiere dicir que beluns d'os termins siguients pueden trobar-se a sociaus a o limbo foliar u a la marguin, indistinctament.

  • Entera: a forma una linia contina, sin relieus ni alteracions vistables.
  • Crenada: Con lobulos chicos, mas mendos y numerosos que en a lobulada.
  • Lobulada: Con lobulos grans y vallons profundos, pocos por cada marguin.
  • Dentada: Con dients triangulars en os que os ápex apuntan perpendiculars a lo niervo central.
  • Denticulada: Con dients mas chicos y numerosos que en a forma dentada.
  • Aserrada: Con dients en os quals l'ápiz apunta entazaga (cara t'o peciolo) u enta debant (cara ta l'ápex), como en os dients d'una sierra.
  • Ondulada: Con lobulos continos, suaus, que fan recordar una onda.
  • Sinuada: Con lobulos chicos y numerosos, pero que forman una linia sinusoidal como en a marguin ondulada.
  • Ciliada: Con excrescencias laterals diminutas, que le confieren l'aspecto de pelos.
  • Espinosa: Con lobulos que rematan en una excrescencia, de regular coriacia, que le da un tacto punchudo.

Se veiga tamién editar