Niespolera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Niespolera u nispolera, tamién con as formas masculinas niespolero y nispolero, ye un nombre común pa diferents especies d'árbols fruitals, miembros d'a extensa familia botanica Rosaceae, que tienen como caracteristicas en común tener follas grans, duras y cubiertas de pilosidatz, de color verde intensa, con os niervos muit marcaus, y uns fruitos comestibles caracteristicos, con forma de pera, dulces, amariellos u anaranchaus de color, con ruello u pepas en l'interior, que se diz niéspolas.

Detalle d'as follas y fruitos (niéspolas) d'una niespolera d'a especie Eriobotrya japonica.

A la practica, en Europa a especie que se conoixeba tradicionalment como niespolera ye Mespilus germanica, a niespolera europea, porque ye a especie autoctona d'iste continent. Manimenos, a importación d'eixemplars d'Eriobotrya japonica en os sieglos XVI, XVII y XVIII, que ye una especie muit amanada y que s'ha adaptau bien en as nuestras latitutz, anque ye natural d'extremo Orient, ha feito que en l'actualidat a mayoría d'árbols que se puet identificar con o nombre de niespoleras faigan parte, en realidat, d'ixa atra especie forana.

Tanto M. germanica como E. japonica son miembros d'a tribu Maleae, subfamilia Amygdaloideae en a familia d'as rosacias. Manimenos, no se be d'inferir que todas as Maleae puedan recibir o nombre de niespoleras, ya que os rasgos que fan que un árbol reciba iste nombre popular no son caracters definitorios d'ixe taxon botanico.

Imáchens

• 
  Eriobotrya japonica
• 
  Mespilus germanica
• 
• 

Se veiga tamién

• Garimbasta
• Codonyera.
• Alberchera.
• Presiquera.
• Manzanera.
• Perera.

• Datos: Q65395671