Denominación d'Orichen Protechida Ailés

A Denominación d'Orichen Protechida Ailés ye una denominación d'orichen protechida aragonesa pa vino de pago, vins que garantizan a procedencia d'as ugas d'una zona cheografica con unas caracteristicas edaficas especificas, cheneraus en unas parcelas especificas d'o municipio de Mezalocha, en o Campo de Carinyena. Ye rechistrada como denominación d'orichen dende l'anyo 2011.

Orichens

Nombrada dende 1165, a finca d'Ailés fa parti d'una antiga sinyoría que perteneixió a la Orden de Cistels y a importants sinyors aragoneses como Pero Ximénez, primer Chusticia d'Aragón u a o marqués de Tosos.

O cautivo de vit en Ailés ye conoixiu dende primerías d'o sieglo XX, encara que a primera referencia documentada ye d'un plan de parcelas de l'anyo 1940, chustament en o mesmo puesto a on se troba o vinyal mas antigo.

Redolada

A finca, situada en l'antigo despoblau d'Ailés, se troba en a cuenca hidrografica d'Ebro y mas concretament en a subcuenca d'o río Uerva, que la trescruza de Sud ta Norte. En os suyos terrenos son predominants as calsineras, os salagons y os almendrons. A presencia de carbonato calcico tamién i ye important.

Clima

Ista zona tien un clima mediterranio continental u templau fredo continental, con plevidas meyas anyals que no son guaire abundants, entre 350 y 550 mm, estando o verano a estación mas seca y concentrando-se as mayors precipitacions en primavera y agüerro. As temperaturas meyas oscilan entre os 13° y 15°C, estando sinyalera l'amplitut termica tanto anyal como diaria, con cheladas frecuents. Manimenos as meyas mensuals no gosan baixar d'os 6°.

Demarcación cheografica

Localización d'a D.O.P. Ailés.

A Denominación d'Orichen Ailés comprende os vinyals de cuantas parcelas situadas en o termin municipal de Mezalocha con una superficie total de 46 hectarias.^[1]

Caracteristicas

Ugas

As variedaz d'uga autorizadas pa la producción d'iste vin son:

Garnacha tinta
Tempranillo
Cabernet sauvignon
Merlot

Producción y comercialización

Bodegas

Nomás una bodega fa parti d'a Denominación d'Orichen:

Abrera S.A. (Mezalocha)

Referencias

↑ (es) Pliego de condiciones de la DOP "Ayles"

Vinclos externos

(es) Pachina web oficial d'a D.O.P. Ailés.
(es) DOP Ailés

Alimentos con denominación d'orichen protechida (D.O.P.) en Aragón
Aceite d'o Baixo Aragón \| Aceite Sierra de Moncayo \| Aceite d'o Semontano * \| Ailés \| Cebolla Fuents d'Ebro \| Calatayú \| Campo de Borcha \| Carinyena \| Cava \| Pernil de Teruel \| Presiego de Calanda \| Semontano \| Urbezo *
* en tramite

Datos: Q131278789
Multimedia: Category:Aylés (DO) / Q131278789

[1] (es) Pliego de condiciones de la DOP "Ayles"

[1]