Melanocorypha calandra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Melanocorypha calandra
Calandra común (Melanocorypha calandra)
Denominacions populars
Calandra, calandria, calandria de collar, caliandra, collana, collano ^[1], calandria real, aloda collana ^[2], corbatón, corbata ^[3], chireta ^[4]
Estau de conservación
Seguro (IUCN)
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Orden:	Passeriformes
Familia:	Alaudidae
Chenero:	Melanocorypha
Especie:	M. calandra
Descripción
Melanocorypha calandra Linnaeus, 1766
Distribución cheografica
Distribución.

A calandra común u calandria común (nombre cientifico: Melanocorypha calandra (L., 1766)) ye una especie d'au paseriforme d'a familia Alaudidae propia d'espacios ubiertos, como campos, praus y estepas, que se puede trobar en os países mediterranios y Orient Proximo.

Descripción

Ye un paixaro de costumbres prou terrestres, que se gosa desplazar caminando por tierra, anque ye bien capable de volar. Mesura entre 25 y 27 cm de largaria y pesa arredol de 80 gramos, por o que ye una alaudida graniza, de mida comparable con un tordo.

O plumache ye marrón, pardo por alto y subtilment mas claro por debaixo. Tiene dos tacas negras en o cuello que pueden recordar a un collar. No tiene dimorfismo sexual aparent.

As calandrias cantan con muita finura, y lo fan tanto as fembras como os masclos. Pueden imitar o canto d'atras aus.

Alimentación

Como todas as Alaudidae, a calandria ye un paixaro granivoro que s'alimenta de cerials y simients principalment. Tamién mincha una gran variedat d'invertebraus, como insectos, arainas, miriapodos y cucos.

Imáchens

Ilustración

Se veiga tamién

Referencias

↑ (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.199
↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.351
↑ (es) BLASCO ZUMETA, Javier, Guía de Aves de las Cinco Villas; Ed ADEFO (Asociación para el desarrollo y fomento de las Cinco Villas), Exeya d'os Caballers, 2009, ISBN 978-84-8321-971-3
↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.