Biquipedia

Baixkirs

(Reendrezau dende Baxquirs)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Baixkirs
Башҡорттар
Baixkirs con o suyo vestiu tradicional.
Población total
1.584.554
Rechions con comunidaz importants
Baixkiria 1.172.287
Rusia 1.673.389
Uzbekistán 41.000
Cazaquistán 24.000
Tachiquistán 5.000
Ucraína 4.300
Kirguizistán 3.200
Turkmenistán 2.600
Belarrusia 2.600
Letonia 600
Lituania 400
Idiomas
Baixkir, ruso y tartaro
Relichión
Sunnismo
Pueblos relacionaus
Pueblos turquicos
Mapa

Baixkirs en Rusia

Os baixkirs (en baixkir Башҡорттар) son un pueblo turquico que habita en a Republica de Baixkiria (Rusia) y en a zona de Rusia que bi ha entre Baixkiria y a muga de Cazaquistán en un territorio entre o sud d'os Urals y o curso meyo d'a Volga. Charran una luenga turquica propia y son musulmans sunnitas que siguen a escuela hanafí.

Os modos de vida y ocupacions tradicionals encara yeran vichents a principios d'o sieglo XX:

  • En as planas orientals de Baixkiria yeran pastors transhumants que viviban en casas de fusta y migraban en verano ta unas tascas on viviban en tiendas.
  • Os d'a zona montanyosa central pasaban l'hibierno en casas de fusta, pero en verano se moveban ta viviendas temporals de fusta. Entre as suyas actividaz tradicionals yeran a caza, l'apicultura y a talla de fusta.
  • Os d'a zona norte no se moveban en verano u yeran agricultors y apicultors.

Etnonimo

editar

O etnonimo que se fa servir en luengas occidentals y neolatinas provién d'o idioma ruso, y se translitera dendo o cirilico con a letra k coincient con a letra cirilica orichinal en ruso.

O etnonimo orichinal en idioma baixkir ye Башҡорттар, y a letra cirilica Ҡ representa a oclusiva uvular que acompanya a vocals posteriors como a /o/, y que se translitera en arabe con a letra Qāf y en os idiomas occidentals con a letra q.

Luenga

editar
Ta más detalles, veyer l'articlo idioma baixkirveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O baixkir s'ha desembolicato como luenga escrita en o sieglo XX por a politica sovietica de luengas minoritarias, enantes yeran baixo a influencia cultural d'os tartaros de Kazán y feban servir o tartaro, luenga que con o tiempo puet estar que ese substituyiu a lo baixkir. En as zonas occidentals de Baixkiria bi ha muita chent que son bilingües baixkir-tartaro. Dica 1928 escribiban en alfabeto arabico, entre 1928 y 1939 escribiban en alfabeto latino, y dende 1939 escriben en alfabeto cirilico.

Historia

editar

En a zona ocupata por os baixkirs viviban enantes d'a conquiesta mongola cumans y pueblos uralicos. Se crei que os hongaros son orichinarios de Baixkiria y estioron unas tribus empentatas u arrastratas por a estepa d'Europa Oriental en as migracions d'os pueblos turquicos enta Europa). Ye posible que l'orichen d'os baixkirs siga a turquización de poblacions ugricas por contacto con cumans primero y tartaros dimpués. D'alcuerdo con esto os baixkirs d'o norte y ueste estioron pueblos uralicos, (ugricos u finicos) turquizatos y os baixkirs d'o sud y este estioron pueblos turquicos nomadas emparentatos con os nogais y cazacos.

Os Baixkirs estioron baixo o gubierno d'a Horda d'Oro y dimpués baixo a influencia u ocupación d'os Khanatos de Kazán, Sibir y Nogai con qui mugaban por l'ueste, este y sud respectivament. A principios d'o sieglo XVII os rusos entroron en as tierras d'os Baixkirs, y en vinients 200 anyos los sozmetioron gradualment. Os baixkirs no sufrioron a presión misionera rusa y tienen un islam menos defensivo que os tartaros. Atra diferencia ye que a chent d'o campo baixkir fue liberata d'a servitut en o sieglo XVIII y dica a revolución rusa mantenioron una aristocracia tribal y nunca tenioron una burguesía comercial. En tiempos d'os zars os baixkirs participoron en as revueltas de Pugachev y Stenka Razin. O millor lugartenient de Pugachev, Salavat Yulaev yera baixkir.

En 1917 os Baixkirs tenioron o suyo propio gubierno. En a guerra civil rusa primero yeran de parte de l'exercito blanco, pero en 1919 o president d'o gubierno baixkir Zeki Velidi Togan s'alinió con os bolcheviques por a promesa d'autonomía y aportó a l'exercito royo o suyo Rechimiento Nacional Baixkir con 2000 combatients disciplinatos y con experiencia. A participación d'os Baixkirs estió decisiva pa a victoria roya. Dimpués Zeki Velidi Togan quedó desencantato con os bolcheviques y fuyó ta Turquestén sumando-se a la rebelión d'os Basmachis. En 1920 os sovieticos consiguioron dominar-los y en 1922 se creyó a Republica Sovietica Autonoma de Baixkiria. L'actual territorio ruso que desepara Baixkiria de Cazaquistán estió tradicionalment un territorio poblato por baixkirs y tartaros y fue anexionato por Rusia cuan s'establió a Republica Socialista Sovietica Autonoma de Baixkiria.

En tiempos d'os bolcheviques en Baixkiria construyoron muitas plantas industrials y esto trayó una inmigración masiva de rusos y tartaros. Os baixkirs, que permaneixioron en as zonas rurals quedoron en desaventalla debant d'esta población urbana forana. En Ufa en 1990 o 58 % yeran rusos y o 25 % tartaros, no estando que o 9 % os baixkirs. Os baixkirs veyen un periglo de ser asimilatos por os tartaros en bellas zonas.

Bibliografía

editar
Obteniu de "https://an.wikipedia.org/w/index.php?title=Baixkirs&oldid=2209467"