Datos (Comunidat de Daroca)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Datos ye un despoblau medieval de la Comunidat de Daroca situau probablement en l'actual termin municipal de Baduls.

Datos
Lugar d'Aragón
Entidat  • País  • Provincia  • Comarca  • Municipio	Lugar  Aragón  Zaragoza Campo de Daroca Baduls
Partiu chudicial	Daroca
Población  • Total	0 hab.
Parroquial  • Archidiocesi  • Arcipestrau	Zaragoza Daroca
Coordenadas	41° 7’58’’N 1°12’42’’U
Datos Datos en Aragón

Toponimia

En un cabo de lo termin municipal de Baduls baixo Santa Catalina y a canto de los termins municipals de Fuent Buena y Villafermosa bi ha una partida de mont que se diz Los Datos, atra que se diz Carradatos ("Carrera cara Datos"), un camín dito Camino Datos y una cequia dita Acequia de Carradatos.

Lo microtoponimo Datos s'estendilla tamién por lo termin municipal de Fuent Buena d'acuerdo con datos catastrals y de rechistro de propiedat. Pascual Madoz mencionó una pardina de Matos situada cerca d'una ermita de Sant Vicent Mártir destruita cuan la Guerra de lo Francés.

Historia

Lo pareixiu entre la T y la C en determinaus tipos de letras medievals han puesto desorientar a escribanos y investigadors, trobando-se las referencias bibliograficas como Datos y Dacos.

La primera mención de Datos como aldeya de Daroca ye de 1205 cuan lo bispe de Zaragoza Remón de Castrocol distribuyó las decimas y primicias de todas las aldeyas de Daroca entre las ilesias de Daroca.

Clerici Sancti Jacobi et ecclesia habent Alpenyes, Corvacon, Langosto, Villalba, Torralba, Fuset, Villarguerrero, Rubiolos, Dacos, ambas Nominevillas, Baldariento, Laguerola, Godos.

Atra mención se troba en la Bula d'Aleixandre IV de 1260:

...de Retascon, de Nombreuilla menor, de Nombreuilla mayor, de Luecana, de Castelpedres, de Badules, de Datos, de Salce, de Lanzuela,...

En Rationes decimarum Hispaniae (1279-80): Aragón y Navarra se menciona dos vegadas Datos u Dacos chunto con Rubiuelos, que pagaba decimas y primicias a la mesma ilesia de Daroca y compartiba retor.

Nombre Villa maior, fratrum Hospitalis, Sepulcri est. / Item a vicario de Luetana, nichil quia non ascendit. / Item a vicario de Villa Dolz / Item a rectore de Badules / Item a rectore de Datos et Roviolos / Item a vicario de Salze

Item pro primicia de Nombre vila / Villa Dolz, Badules /Item pro primitia de Dacos et Roviolos / Salze / Item pro primitia de Lançuela...

Se veiga tamién

• Falla de Datos.

Lugars desapareixius de lo municipio de Baduls
Datos

• Datos: Q20614158