Acer
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Acer | ||||||||||||||
 Colors carateristicas d'un azirón Acer platanoides en l'agüerro. | ||||||||||||||
| ||||||||||||||
 Distribución d'as especies Acer en o mundo. | ||||||||||||||
Os acirons u escarroneros (cientificament, o chenero Acer) son l'unico chenero d'árbols y arbustos en a familia Aceraceae, con 18 especies compresas.
Os acirons se fan reconoixer per as suyas fuellas oposatas en a branca, palmato-lobulatas (ixo ye, como las d'a platanera) anque en cualques especies (y variedaz) ixa lobulación d'o limbo foliar puet dica fender-se tanto que en independice os lobulos, en fendo que la fuella se torne composata. As flors son regulars, pentameras, y brostan fendo racemos, corimbos u umbelas, y les i amaneixen a prencipios d'a primavera, en cualques especies dica d'antes que no las fuellas, estando muit chicotas cadaguna d'ellas. As simients tienen un imbolucro fimbroso que forma una unica ala que las fa d'estar planaderas cuan cayen de l'árbol, en fendo una caita carateristica en a que chiran en espiral. Ixe tipo de fruitos se conoixen en botanica como samaras y se fan muit apreciatos per a mainada, que os gosan culler ta chugar, en os puestos a on que estes árbols i abundan. Os acirons producen una grandisma cantidat d'ixas simients voladeras.
En Europa se'n troba especies con distribución submediterrania, estando en Aragón una especie que s'asocia de maniera anisolata en metat d'as caixigosas mas que no fendo parte de formacions propias. Abunda en os semontans y las sierras, anque la suya presencia ye escarsa en as vals d'o Pireneu axial. Comparte con os caixigos as preferencias climaticas y biotopicas, anque tiene mes tendencia que no éstes de creixer en os pocins mas que no en as solanas d'a montanya. Ye carateristica la enviesta d'estes árbolsa/arbustos en l'agüerro, per as colors royas y amariellas tan vitariscas que gosan manifestar en ixa estación, que els fan d'envistar-se d'entre las formacions d'altras especies que els acompanyan, como los ditos caixigos.
"Acirón" en belsetán significa tanto l'arbol d'o chenero Acer como a suya fusta, y en aragonés de Larrés y Cartirana ye sinonimo de biscalera, "o trallo mes alto en o tarabidato d'o tellato".[1]
Especies representativas
editar- Acer buergerianum
- Acer campestre
- Acer cappadocicum
- Acer circinatum
- Acer cissifolium
- Acer davidii
- Acer ginnala
- Acer glabrum
- Acer granatense
- Acer grandidentatum
- Acer griseum
- Acer japonicum
- Acer leucoderme
- Acer macrophyllum
- Acer miyabei
- Acer monspessulanum
- Acer negundo
- Acer nigrum
- Acer opalus
- Acer palmatum
- Acer pennsylvanicum
- Acer pentaphyllum
- Acer platanoides
- Acer pseudoplatanus
- Acer rubrum
- Acer rufinerve
- Acer saccharinum
- Acer saccharum
- Acer sempervirens
- Acer shirasawanum
- Acer spicatum
- Acer tataricum
Referencias
editar- ↑ Manuel Alvar: El habla del campo de Jaca. Salamanca CSIC, 1948.
Vinclos externos
editar
Wikispecies tiene un articlo sobre Acer.
Se veigan as imáchens de Commons sobre os acirons.
