Umbela
Una umbela ye una inflorescencia ubierta u racemosa en a qual os pedicelos florals rancan totz a la mesma altaria dende o disco a on remata lo pedunculo, o que gosa significar que as flors se situan todas a ran unas d'as atras. A suya estructura recorda vagament a las barillas d'un bateaguas.
Existe umbelas simples y comuestas. A umbela simple se troba en as inflorescencias de diferents tipos de plantas. Manimenos, a umbela compuesta ye propia d'as Apiales, conoixidas tamién como «Umbeliferas».