Alquería
Una alquería ye una casa de labors agricolas u ganaderas, u conchunto d'estas casas situatas luent d'una población. Ye pareixita a la villa romana. Prenen nombre de l'arabe Al-garya, que significa Lugar chicot y yeran caracteristicas d'Al Andalus.
Egual que atras villas rurals se creyoron en tiempos de paz social, car no teneban defensas propias. Belunas han plegato dica huei en Valencia y Andalucía, pasando por diferents epocas de despoblación y albandono rural, y prenendo atras actividatz como molins u tallers, y dende fins de lo sieglo XX como casas de torismo rural.
Alquería levantinaEditar
Se troban en carasols, son sencillas y consisten en una edificación con una u dos plantas y cubierta a una u dos auguas.
En la Huerta de Balencia bi n'ha muitas y belunas prenen nombre de Casa, Casa Bajoca, Casa Negra.
Alquería andaluzaEditar
En Andalucía n'han quedato belunas dica huei en las Alpujarras y en la Fueya de Guadix. Huei se recuperan pa lo torismo rural y atras se reconvierten en cortijos u municipios. Muitas han desapareixito en las decadas d'exodo rural.