Denya

Denya (Dénia en catalán y oficialment, Denia en castellano) ye un municipio y ciudat valenciana, en la comarca de la Marina Alta (en ye la suya capital), provincia d'Alicant

Denya
Municipio d'o País Valenciano
Entidat  • Estau  • Comunidat  • Provincia  • Comarca	Municipio  Espanya  País Valenciano Alicant Marina Alta
Superficie	66,2 km²
Población  • Total	43 899 hab. (2013)
Altaria  • Meyana	22 m.
Distancia  • 100 km  • 106 km	enta Alicant enta Valencia
Alcalde	''valor desconoixiu''
Codigo postal	03700
Coordenadas
Denya Denya en País Valenciano
Web oficial

La suya población ye de 44.498 habitants (2010) en una superficie de 66,2 km², con una densidat de población de 672,18 hab/km².

Toponimia

Denya provién de l'arabe Daniya y lo toponimo arabe de lo latín Dianium ("villa de Diana"), nombre román d'esta ciudat que traduciba u s'inspiraban en lo toponimo griego Artemision.

En la "Cronica de Sant Chuan d'a Penya" escriben Denya.

Empues esto, en el año de nuestro Señor de M.CXXV (sic) plegó sus gents et con él Don Gaston de Bearne, Don Pedro vispe de Çaragoça, Don Esteuan, vispo de Iacca, en el mes de Octobre entraron en la tierra de los moros, tallando et destruyendo plegoron á Valencia, et depues passaron Xucar, et talloron Denya, depues passoron Murcia. Depues fueron á Dalmería que la clamauan en aquel tiempo Vrcia et á la raíz de vna sierra et montaña fincaron sus tiendas; et en el lugar que dizen Alcáçar tenieron la Nadal con gran goyo et abastemiento de viandas

Historia

Estió una colonia griega en lo sieglo IV aC. Segunt Estrabón lo suyo nombre yera Hemeroscopion, que dimpués cambeó por Artemision (por o templo d'Artemisa). La ciudat griega fació liga con Roma quan las guerras punicas. Los romans li posoron Dianium ("villa de Diana", diosa que interpretaban como equivalent d'Artemisa).

Dimpués d'a conquiesta arabe a partir d'o sieglo VIII, en Pechina y dimpués en Denya s'organizó una flota de piratas que funcionó de manera autonoma de l'Armada d'o Califato de Cordoba, esdevenindo quasi una republica independient en practicando la piratería en as costas d'a mar Mediterrania.

Denya estió la capital d'un important reino taifa en lo periodo de las primeras taifas de dominio musulmán. La taifa de Denya estió una taifa eslavona, y perdió la suya independencia por quan fue ocupata por lo rei Al-Muqtadir de la Taifa de Zaragoza en l'anyo 1076.

La reconquiesta cristiana se produció en l'anyo 1244.