The Sea Chase
The Sea Chase (títol orichinal en anglés, en aragonés Persecución en a mar, enguerada en Aragón con o títol en castellano d'El zorro de los océanos, en aragonés O raboso d'os oceans) ye una cinta de cine de drama d'aventuras belicas de l'anyo 1955 de cine estausunidense dirichida por John Farrow seguntes un guión adaptau por James Warner Bellah, John Twist y Frank S. Nugent (basau en The Sea Chase, una novela publicada por Andrew Geer en 1948), con una banda sonora orichinal de Francis J. Scheid, una dirección de fotografía de William H. Clothier, una producción cinematografica de John Farrow ta la productora cinematografica Warner Bros. y con un elenco d'actors formau por John Wayne, Lana Turner, David Farrar, Lyle Bettger, Tab Hunter, James Arness, Dick Davalos, John Qualen, Paul Fix, Lowell Gilmore, Luis Van Rooten, Alan Hale, Wilton Graff, Peter Whitney, Claude Akin y John Doucette, entre d'atros.
Karl Ehrlich ye un antigo capitán d'a Kaiserliche Marine de l'Imperio Alemán mientres a Primera Guerra Mundial a qui la suya posición politica contraria a lo nazismo ha feito que li den voleta d'a Kriegsmarine d'o Tercer Reich y en agosto de 1939, quan a Segunda Guerra Mundial ye inminent, no ye so que un capitán d'a marina mercant que capitaneya un viello mercant, o Ergenstrass, que se troba en o puerto de Sydney, en Australia, cuan esclata la guerra con a invasión de Polonia por os alemans. Lo comandant Jeff Napier, d'a Royal Navy, ye amigo personal d'o capitán Ehrlich y preba de convencer-lo ta que accepte d'estar internau dica la fin d'a guerra, pero Ehrlich decice marchar con o suyo barco ta tornar en o Tercer Reich. Sindembargo, dabant d'a inminent declaración de guerra, lo consul alemán en Sydney li ordena de recibir en o barco a una espía de l'Abwehr, que resulta estar a novia d'o suyo amigo lo comandant Jeff Napier, a qui ha estau espiando. D'atra man, en o suyo barco viacha tamién Kirchner, lo segundo de Karl Ehrlich, que resulta estar un nazi fanatico.
The Sea Chase ye una cinta ambientada en l'anyo 1939 en Sydney en Australia, en l'oceano Pacifico, en Valparaíso en Chile, en a mar d'o Norte y en Noruega. Las suyas escenas se filmoron en Sydney en Australia, en Hawaii y en os Warner Brothers Burbank Studios en Burbank en California en os Estaus Unius.[2]
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ (en) Enguero de The Sea Chase en Internet Movie Database.
- ↑ (en) Localizacions de The Sea Chase en Internet Movie Database.
- ↑ (en) The Sea Chase en Internet Movie Database.
Vinclos externos editar
Se veigan as imáchens de Commons sobre The Sea Chase.- (en) The Sea Chase en Internet Movie Database.
- (en) The Sea Chase en l'American Film Institute Catalog de l'American Film Institute.
- (en) The Sea Chase en TCM Movie Database.
- (en) The Sea Chase en AllMovie.
- (es) The Sea Chase en FilmAffinity.
- (fr) The Sea Chase en Allociné.
- (en) The Sea Chase en Rotten Tomatoes.
- (en) The Sea Chase en Letterboxd.
- (en) The Sea Chase en Box Office Mojo.
