The Lost City of Z (cinta)
- Iste articlo ye sobre una cinta estausunidense de drama biografico d'aventuras de l'anyo 2016; ta atros usos, se veiga The Lost City of Z.
The Lost City of Z (títol orichinal en anglés, A ciudat perdida de Z en aragonés, enguerada en Aragón con o títol en castellano de Z, la ciudad perdida, en aragonés Z, a ciudat perdida) ye una cinta de cine estausunidense de cine d'aventuras dramaticas biograficas de l'anyo 2016 dirichida por James Gray seguntes un guión adaptau por él mesmo (basau en l'asayo biografico The Lost City of Z, publicau por David Grann en 2009 sobre la figura de l'arqueologo y explorador britanico Percy Fawcett), con una banda sonora orichinal de Christopher Spelman, una dirección de fotografía de Darius Khondji, una producción cinematografica de Dede Gardner, Jeremy Kleiner, Anthony Katagas, James Gray y Dale Armin Johnson ta las productoras Plan B Entertainment, Sierra Pictures, MICA Entertainment, Northern Ireland Screen, Keep Your Head Productions y MadRiver Pictures, y con os actors Charlie Hunnam, Robert Pattinson, Tom Holland, Edward Ashley, Sienna Miller, Angus Macfadyen, Clive Francis, Ian McDiarmid, Franco Nero, Harry Melling, John Sackville, Adam Bellamy, Daniel Huttlestone y Murray Melvin, entre d'atros, fendo parte de l'elenco d'a cinta.
O protagonista de The Lost City of Z ye lo comandant de l'exercito britanico Percy Fawcett, obsesionau por redimir a imachen d'a familia dimpués d'a mala imachen d'a mesma que heba dixau su pai y que lo fa buscar compulsivamet a gloria. Bel día la Royal Geographical Society de Londres li ufre de dirichir una expedición enta Brasil, ta cartografiar as mugas entre Brasil y Bolivia, a on siente charrar d'a desapareixida ciudat de Z, decidindo-se a buscar-la, encara que la tensión internacional fará que bien luego prencipie la Primera Guerra Mundial a on ha de partecipar, y encara que lo suyo fillo chicot se'n resiente d'as suyas absencias en cuasi no haber conoixu a su pai. A cinta s'ambienta en Londres y Devon en o Reino Uniu, en Brasil, en Bolivia y en Irlanda y en Altos de Francia en Francia, en 1905, 1906, 1911, 1914, 1916, 1923, 1924 y 1925. As suyas escenas se filmoron en o departamento de Magdalena en Colombia y en Béal Feirste, Antrim y bella atra localidat en o condau d'Antrim y en o condau de Down en Irlanda d'o Norte en o Reino Uniu.[2]
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) Pachina web oficial de The Lost City of Z.
- (en) The Lost City of Z en Internet Movie Database.
- (en) The Lost City of Z en AllMovie.
- (en) The Lost City of Z en TCM Movie Database.
- (en) The Lost City of Z en Box Office Mojo.
- (en) The Lost City of Z en Metacritic.
- (en) The Lost City of Z en Rotten Tomatoes.
- (es) The Lost City of Z en FilmAffinity.
- (fr) The Lost City of Z en Allociné.
- (en) The Lost City of Z en Netflix.
Datos: Q20814623
Multimedia: The Lost City of Z / Q20814623
