Saga pedo

especie d'insecto
Saga pedo
SagaPedo2.jpg
Saga pedo
Estato de conservación
Status iucn2.3 VU.svg
Vulnerable
Clasificación scientifica
Dominio: Eukaryota
Reino: Animalia
Filo: Arthropoda
Clase: Insecta
Orden: Orthoptera
Familia: Ensifera
Chenero: Saga
Especie: S. pedo
Nomenclatura binominal
Saga pedo
Pallas, 1770

O Saga pedo ye un insecto ortoptero escaso que se distribuye dende a peninsula iberica dica o noreste de China y ye l'ortoptero més gran d'Europa.

DescripciónEditar

A suya largura plega a 12 cm. O suyo cuerpo ye muito estirato, con un oviscapto muito visible y unas antenas igualment luengas y insertas entre os uellos.

As patas presentan femurs y tibias con punchas pa ensopinar as suyas presas (por un regular atras grillas), d'una traza pareixita a un plegamans.

No se conoixe o masclo, només a fembra, que ye tetraploide y se reproduce por partenochenesi (Kallenbach, 1967).

DistribuciónEditar

Se distribui por China noroccidental, Kazaquistán, Uzbequistán, Tachiquistán, Azerbaichán, Cheorchia, Rusia, Rumanía, Bulgaria, Eslovaquia, Chequia, Hongría, Secilia, Cerdenya, Corcega, Occitania y Espanya. En Espanya s'ha citato d'as provincias de Albacet, Badajoz, Ciudad Real, Cuenca, Toledo, Segovia, Madrid, Valencia, Tarragona, Chirona y Zaragoza. A cita d' Aires y Menano de 1916 pa Portugal la han descartata bells autors uno dimpués d'atro.

HabitatEditar

Se troba en gran variedat d'habitats, ye una especie xerotermofila que puet amaneixer en qualsiquier tipo de vechetación, y lo han descrito en pueyos, marguins de selvas, puestos con hierba alta, chinebrals, sabinars, restrollos. En Catalunya lo han trobato en maticals silicicolas formatos por estepas, brucos y barzas dende 70 dica 1.065 m sobre o libel d'a mar. En Albacet se troba dica l'altaria de 1.540 m en Cerro Padrón. En a provincia de Zaragoza ye citato d'o Galacho de l'Alfranca.

ConservaciónEditar

A UICN lo declara vulnerable. Esta especie ye catalogata por o catalogo d'as especies amenazatas d'Aragón como d'intrés especial por o Decreto 49/1995, d'o 28 de marzo.

BibliografíaEditar

  • Manuel Alcántara de la Fuente (coordinador). Catálogo de Especies amenazadas de Aragón (fauna). Gobierno de Aragón (Departamento de Medio Ambiente). 2007.
  • Jose R.Verdú y Eduardo Galante. Libro rojo de los invertebrados de España. Ministerio de Medio Ambiente, Organismo autónomo de Parques Nacionales. 2006.

Vinclos externosEditar