Rubiuelos de Mora

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Rubiuelos de Mora. Ta altros usos d'a parola «Mora» se veiga Mora (desambigación).

Rubiuelos de Mora u Rubielos de Mora (/ru.bi.'we.los/ u /ru.'bje.los/, en castellano Rubielos de Mora) ye un municipio de la provincia de Teruel, situato en la comarca de Gúdar-Chabalambre. La suya población ye de 627 habitants, en una superficie de 63,7 km² y una densidat de 9,84 hab/km²

Rubiuelos de Mora Rubielos de Mora
Municipio d'Aragón
Entidat  • País  • Provincia  • Comarca	Municipio  Aragón  Teruel Gúdar-Chabalambre
Partiu chudicial	Teruel
Superficie	63,7 km²
Población  • Total  • Densidat	627 hab. (2013) 9,84 hab/km²
Altaria  • Meyana	929 m.
Distancia  • 55 km	enta Teruel
Alcalde	Ángel Gracia Lucía
Codigo postal	44415
Parroquial  • Diocesi  • Arcipestrau  • Parroquia	Teruel y Albarracín Mora de Rubielos Santa María la Mayor
Coordenadas	40°11’25’’N 0°39’ 6’’U
Rubiuelos de Mora Rubiuelos de Mora en Aragón
Web oficial

Cheografía

Ye situato en lo semontano sud de la Sierra de Gúdar.

Historia

Fue reconquiesto en 1203, la reconquiesta figura en las Cronicas de los Chudeces de Teruel:

• Anno Mª CC IIII. don Pedro de Armiellas. Fue preso Ruviellos que era de los Moros. Bersión A
• 1204. Don Pedro de Armiellas. En esti año fue preso Ruvielos qui era de moros. Bersión AHT, tardana
• Don Pere Armiellas. Fue presa Ruvihuelos. Bersón B.A.R
• Era Mª CCª XXXXII. Don Peydro de Armiellas. Fue presa Ruviellos. Bersión B.

Ilesia de Sant Chusé de Nazaret de l'antigo Convento d'as Carmelitas de Rubiuelos de Mora.

Portal y capiella d'a Virchen de lo Carmen (Rubielos de Mora).

Toponimia

Bi ha diferens hipotesis toponimicas. Una relaciona lo nombre con lo latín Rubus, barza, y existen escudos en los reportals con gravatos de barzas. Como bi ha terrenos royos en lo termino, o rodeno, ye mas probable que se relacione con lo latín RUBEUS, royo.

Lo sufixo seguntes uns autors ye derivato d'o latín -ELLU, y seguntes atros de lo latín -OLU. En textos medievals latinos u romances podemos veyer Ruvihuelos, Ruvielos y Ruviellos, esta zaguera probablement con una ll que se leye l. En catalán la l cheminata ye frecuent en las terminacions -ila (goril·la) y -elo (xarel·lo). D'alcuerdo con lo Rubiuelos de lo Xiloca a forma Ruvielos ye derivata de Ruvihuelos y se remontaría a lo latín RUBEOLUM con sufixo -OLU.

• RUBEOLU > RUBIOLU > Ruvihuel, Ruvihuelos > Ruviel, Ruvielos.

En la versión B.A.R de las "Cronicas d'os Chudeces de Teruel" amés de la mención de la conquiesta de Ruvihuelos en 1203 trobamos la forma Ruvihuelos en relación a l'anyata chudicial 1270-1271:

Fizose el sol como sangre et desfizo en Conceio el castillo de Ruvihuelos.

En lo Libro de la colecta de la pecha de la comunidad de aldeas de Teruel (1360-1369) trobamos l'apellito Ruviuellos en Mosqueruela y Gúdar.

En lo fuero de Valencia apareixe como Ruviols y en atro texto catalán medieval como Riuvellos. Agustín Ubieto Arteta lo documenta en 1203 como Rubiols.

L'apelativo de Mora ye cuaternato en la versión B d'as "Cronicas d'os Chudeces de Teruel" referito a l'anyata chudicial 1407-1408:

Fue judez Ximen Ortiz. Fue la quistion de Rubiellos de Mora entre los Xixones y los Bonfieles

En lo Fogache de 1495 s'escribe monoftongato Rubiolos talment variant intermeya de compromís entre Ruvihuelos y Ruvielos.

Un microtoponimo interesant ye un mas dito Nogueruelas.

Demografía

Evolución demografica

1992 1994 1996 1997 1998 1999 2000 2001 2002 - - - - 617 635 616 625 615

2003 2004 2005 2006 2007 2008 2009 2010 2011 643 652 699 710 752 770 780 772 751

2012 2013 2014 2015 2016 2017 2018 2019 2020 755 722 687 661 658 626 627 621 635

2021 2022 2023 2024 2025 2026 2027 2028 - 632 624 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón	5	7	6	6	5	5	4	5	4
Partido Aragonés	-	-	-	-	-	0	2	2	3
Partido Popular	-	-	1	1	2	2	1	-	0
Unión de Centro Democrático	3	-	-	-	-	-	-	-	-
Total	8	7	7	7	7	7	7	7	7

Alcaldes

Lista d'alcaldes

Lechislatura	Nombre	Partiu politico
1979–1982 1982-1983	Vicente Arnau Górriz Miguel Tomás Martín	Partido de los Socialistas de Aragón
1983–1987	Lorenzo Pina Igual	Partido de los Socialistas de Aragón
1987–1991	Ángel Gracia Lucía	Partido de los Socialistas de Aragón
1991–1995	Ángel Gracia Lucía	Partido de los Socialistas de Aragón
1995–1999	Ángel Gracia Lucía	Partido de los Socialistas de Aragón
1999–2003	Ángel Gracia Lucía	Partido de los Socialistas de Aragón
2003–2007	Ángel Gracia Lucía	Partido de los Socialistas de Aragón
2007–2011	Ángel Gracia Lucía	Partido de los Socialistas de Aragón
2011–2015	Ángel Gracia Lucía	Partido de los Socialistas de Aragón
2015–2019
2019–2023
2023–2027	Angel Gracia Lucia	PSOE

Puestos d'intrés

• Casa de la Villa, edificio de lo sieglo XVI, protechito legalment dende 2001 con a suya declaración como Bien d'Intrés Cultural.
• Ilesia de Santa María la Mayor.
• Ermita de Santa Ana.
• Ermita d'o Pilar.
• Portal de Sant Antón.
• Portal d'o Carmen.
• Casal d'os Contes de Florida.
• Palacio d'os Marqueses de Villasegura.
• Casal d'os Contes de Creixell.
• Antigo convento d'o Carmen.
• Museu Salvador Victoria.
• Casa Barberán.
• Casa Lloret.
• Ermita de Sant Roque, 1658.
• Ermita d'o Calvario, 1790.

Fiestas

• Virchen de lo Carmen, 16 de chulio.
• Santa Cruz, 14 de setiembre.
• Virchen de lo Pilar, 12 d'octubre.

Vinclos externos

• Se veigan as imáchens de Commons sobre Rubiuelos de Mora.
• Sitio web municipal.

Referencias

• Datos: Q1552349
• Multimedia: Rubielos de Mora / Q1552349