Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Panthera leo
Lión
Denominacions populars
Tigre
Estau de conservación

Vulnerable (IUCN)
Clasificación cientifica
Eukaryota
Animalia
Chordata
Vertebrata
Mammalia
Carnivora
Feliformia
Felidae
Pantherinae
Panthera
Panthera leo
Distribución cheografica
Distribución historica (royo) y actual (azul) d'o lión

Lo lión[1][nota 1] u león[1][nota 2] (nombre cientifico Panthera leo) ye una especie d'a familia d'os felidos antigament amplament distribuita por Africa, Orient Meyo y la India. Los masclos presentan cerras, estando un caso tipico de dimorfismo sexual. La fembra d'o lión ye clamada liona.[1]

Liona Asiatica (Panthera leo persica) de nombre MOTI, ye naixita d'o parque zoolochico de Helsinki (Finlandia) en octubre de 1994, plegó a lo parque zoolochico de Bristol (Anglaterra) en chinero de 1996. A Selva de Gir, en a India ye on viven os lions asiaticos salvaches, pero este ye en captividat
Lión masclo amuestra as suyas dients a la chent enantes de estar alimentato en o parque zoolochico de Melbourne

Zoonimia

editar

En a mayor part d'os textos medievals s'escribe o zoonimo Leon, tanto l'animal como l'antroponimo que en deriva, vegadas tamién lehon, coincidindo con a ortografía de Jahen pa "Chaén:

XII astas con senyales de lehons[2]

Una pronunciación teorica en aragonés ye lión u leyón desfendo o hiato. A segunda forma, con epentesi antihiatica no s'escribe con -y- en a ortografía actual porque no deriva d'una parola latina con consonant sonora desapareixida, como en o caso d'a ciudat de Leyón, que deriva de LEGIONE ("lechión"). A forma Lión se documenta en poquez casos, un d'éls en o "Libro d'as Marabillas d'o Mundo", que no ye escrito en o estándard medieval aragonés y ye una traducción a l'aragonés no bien feita de tot, con muitos galicismos, encara que tamién con formas chenuínas aragonesas que no se gosan presentar en o estándard medieval:

Et han la cabeça como sanglar & han .vj. piedes & a cada pie dos hunglas largas & tallantes & han el cuerpo como ver o varraco & la coa como lion

En o lexico comercial aragonés se documenta l'adchectivo leonado, que deriva de leon.

Morfolochía

editar

O pelache ye lionato claro, blanco y l'abdomen y en o costato interior d'as patas. O dorso d'as orellas ye negro; cerras d'o masclo lionatas, d'un pardo royenco a negro. O pelache d'os animals no maturos tien un debuixo de rosetas que desaparixe con a edat, encara que en pueden quedar vestichios en o baixo vientre y patas.

Subspecies

editar

A evidencia chenetica indica que os lions actuals s'orichinoron posiblement d'un antipasau común dende fa 55.000 anyatas. As diferencias entre os lions africanos son pocas y poderban estar consideratos d'una sola subspecie.

As subspecies mes reconoixitas por bels cientificos son:

Os lions en o cine y a cultura

editar

O lión a ormino ye considerau y representau como rei d'a chungla u rei d'os animals amás simbolo popular de realeza, dignidat, peito y nobleza, tamién ye un animal que a sobén ha estau protagonista de bellas cintas de cine como as de Disney, The Wild, The Lion King y as suyas secuelas The Lion King II: Simba's Pride y The Lion King 1½, entre d'atras cintas como Born Free y The Ghost and the Darkness.

  1. Con a variant palatalizada llión
  2. Con a variant palatalizada lleón

Referencias

editar
  1. 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
  2. "Actos comunes de los Jurados de Zaragoza (1440-1496)". Documentación musicológica aragonesa. Institución Fernando el Católico, 1986. [1]