Pallaruelo de Monclús
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre Pallaruelo de Monclús. Ta altros emplegos d'o toponimo «Pallaruelo» se veiga Pallaruelo (desambigación), y ta «Monclús» se veiga Monclús (desambigación).
Pallaruelo de Monclús (en castellano y oficialment «Pallaruelo de Boltaña»[1]) yera un municipio historico d'Aragón y un toponimo popular con o que encara a part de huei se gosa referir colectivament a os nuclios que en van estar parte. Se o puede documentar dende o primer censo muderno de 1842 dica a suya absorción en o vecino municipio de Moriello de Monclús en o censo de 1857.[1] Se desconoix si existió bel nuclio que se decise propiament «Pallaruelo de Monclús» como ta haber-le dau nombre a o municipio, pus as suyas enrunas no mos han gosau arribar a l'actualidat, pero ye prou probable.
| Pallaruelo de Monclús | |
| Antigo municipio d'Aragón | |
| Entidat • País • Provincia • Comarca |
Antigo municipio Aragón.svg){kind=small} UescaSobrarbe |
| Municipio actual | A Fueva |
| Población • Total |
134 hab. (1842) |
| Altaria • Meyana |
1140 m. |
| Distancia • 114 km |
enta Uesca |
| Codigo postal | 22336 |
| Parroquial • Diocesi • Arcipestrau |
Balbastro-Monzón Sobrarbe-Ribagorza |
| Coordenadas | |
O municipio de Pallaruelo de Monclús o formaban os cualques lugars y pardinas que se troban en as dos baixants d'a redol d'o Campanué, en a muga d'entre as actuals comarcas de Ribagorza y de Sobrarbe. Por a part ribagorzana, en feba parte dos pardinas: a Chantigosa y Rolespé, vincladas con os nuclios d'a baixant occidental dica o punto de pasar a fer parte d'un municipio de conchunta. Por a man fovana, a Torre, Solaniella y a Villa, con a predominancia demografica en o municipio, en chunto con as pardinas de Cotón y o Lenero. Absolutament toz siete nuclios se troban despoblaus en l'actualidat.
En a Fueva, encara en l'actualidat ye prou común que se refieran a o conchunto de os ditos siete lugars como «O Pallaruelo de Monclús» u simplament «O Pallaruelo»; expresions con as que no se gosan referir solo que a's asentamientos deshabitaus sino tamién a o mont y as propiedaz forestals de a redolada. Como en o caso d'o vecino termin municipal de Moriello de Monclús, l'apelativo «de Monclús» dimana d'una posible pertinenza a la baronía de Monclús, en tiempos historicos mas pasaus, y no pas por estar amanau de o lugar desapareixiu de Monclús, que yera en a val d'a Cinca a man de Mediano. L'apellido oficial «de Boltaña» tiene explicación mas difícil, pus a redolada de Pallaruelo dista mas de 25 kilometros (por as carreteras actuals!) de a villa de a val de l'Ara, y probablement no faiga referencia si que a la pertinencia a o partido chudicial de Boltanya.
Os atros municipios absorvidos en a Fueva
editarReferencias
editar
Datos: Q9054838
