Orden d'o Santo Sepulcre en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Orden de Caballería d'o Santo Sepulcre de Cherusalén
Ordo Equestris Sancti Sepulcri Hierosolymitani

Armas de la Orden de lo Santo Sepulcre
Información cheneral
Activa 1098 - Actualidat
País Aragón
Fidelidat Santa Seu
Tipo Orden de caballería catolica
Función Cosirar o Santo Sepulcre
Comandants
Gran Mayestre Cardenal Edwin Frederick O'Brien
Insignias
Simbolo
d'identificación
Cultura y historia
Lema Deus lo vult

La Orden de lo Santo Sepulcre estió present en Aragón dende os tiempos d'Alifonso I lo Batallero, estando-ne heredera de lo reino aragonés chunto con la Orden de lo Temple y la Orden de lo Hespital. A lo contrario que estas, renuncioron a los dreitos sobre o herencio de lo Batallero y la Corona compensó a los suyos canonches con bien en muitas localidaz aragonesas, en especial en Calatayú, on establioron a suya casa central. As suyas ilesias y centros conventuals s'estendilloron tamién por Castiella, y en lo sieglo XIII esta orden tenió en la peninsula Iberica mes posesions que nunca. La institución tenió tamién casas de relichiosas.

O Cristo Chacent d'o Santo Sepulcre, en a zaragozana ilesia de Sant Nicolau de Bari

Entre las comunidaz de relichiosas cal destacar la que fundó Donya Marquesa Chil de Rada, filla de Tibal II de Navarra y viuda de Pero Ferrández d'Íxar, fillo natural de Chaime I d'Aragón y primer sinyor d'Íxar. Cuan se quedó viuda demandó entrar en la Orden de lo Santo Sepulcre y fundar una comunidat de monchas que habitasen en las casas de la suya propiedat y celebrasen la liturchia en la ilesia de Santa María de la Villa Viella d'Íxar.

Lo 17 de chulio de 1304, cuan Marquesa Chil de Rada morió, dió a la comunidat muitos biens que mantenioron dica lo sieglo XIX (desamortización de Mendizabal). Ixe mesmo anyo la comunidat de monchas s'establió en Zaragoza, en unas casas chunto a la muralla romana. Huei esta comunidat encara existe, con lo nombre lo nombre de Real Monasterio de Canonesas Comendadoras del Santo Sepulcro y sigue ocupando lo mesmo puesto, que huei se clama Monasterio de la Resurrección; en toz los sieglos que fa que existen estas monchas nomás lo han dixato d'habitar bellas semanas en la Guerra de lo Francés.

En la baixa Edat Meya lo Santo Sepulcre yera propietario de las localidaz de part de la val de lo río Griu (Codos, Tobet, Santa Cruz de Griu), y de part de la val de lo río Piedra (Nuévalos y Torralba de los Fraires).[1]

Referencias editar

  1. (es) Juan F. Utrilla Utrilla La población de Calatayud y su comunidad de aldeas, escrito en La población de Aragón en la Edad Media (Siglos XIII-XV) CEMA, Leyere Editorial, 2004. p 426

Veyer tamién editar

 
Wikisource
En Wikisource bi ha un texto sobre Testamento de Donya Marquesa Chil de Rada, fundadora d'o Monesterio d'o Santo Sepulcre, de Zaragoza, o 3 de chinero de 1303.
 
Wikisource
En Wikisource bi ha un texto sobre Donación feita por Donya Marquesa Chil de Rada d'unas cuantas fincas en a villa de Íxar oferindo-se como freira d'o Santo Sepulcre de Cherusalén, en 13 de noviembre de l'anyo 1300.