Senyoría d'Íxar
La senyoría d'Íxar comprendeba los lugars d'Íxar, Urreya d'Íxar, La Pobla de Gayén y la Pobla d'Albortón, lo creyó Chaime I d'Aragón pa lo suyo fillo Pero Ferrández lo 20 d'abril de 1268 y en 1483 esdevinió lo ducato d'Íxar.
Senyoría d'Íxar | |
|---|---|
|
| |
| Información cheneral | |
| Primer titular | Pero Ferrández d'Íxar |
| Concesión | Chaime I d'Aragón 20 d'abril de 1268 |
| Linache(s) | Casa d'Íxar |
La fundación d'esta senyoría churisdiccional ye d'alcuerdo con una tradición de los reis d'Aragón que consistiba en creyar infantaus pa lurs fillos bordes, dando-lis importants beneficios como rendas senyorials, tierras, villas y castiellos.
Pero Ferrández, primer sinyor d'Íxar prenió l'apelliu Ferrández d'Íxar por lo toponimo. Y fundó en lo termin d'Íxar lo lugar de La Pobla de Gayén con moriscos en un puesto dito enantes Gayén.
Pero Ferrández d'Íxar y Gil, segundo sinyor d'Íxar, adhibió a la senyoría la metat de la villa de Belchit y La Pobla d'Albortón.
Chuan Ferrández d'Íxar y Centelles, dito l'Orador, quatreno sinyor d'Íxar, estió embaixador, consellero y mayordombre d'Alifonso V d'Aragón, y lo "Magnanimo" li donó Binazeit y li vendió Lecera. Alavez la Casa d'Íxar esdevinió una de las casas nobiliarias més importants d'Aragón.
Chuan Ferrández d'Íxar y Cabrera consiguió que Ferrando II d'Aragón li dase lo títol de duque en 1483, con lo que la sinyoría d'Íxar esdevinió lo ducato d'Íxar, manimenos lo suyo hereu no teneba o títol de duque d'Íxar (pero si que en yera de Lecera y Aliaga). La serie ducal d'Ixar se reanudó con Chuan Francisco Ferrández d'Íxar y Ferrández d'Heredia por autorización de Felipe II d'Espanya en 1599.
Lista de sinyors d'ÍxarEditar
- Pero Ferrández d'Íxar.
- Pero Ferrández d'Íxar y Chil.
- Alifonso Ferrández d'Íxar y Anglesola.
- Pero Ferrández d'Íxar y Alagón.
- Alifonso Ferrández d'Íxar y Cornel.
- Chuan I Ferrández d'Íxar y Centelles, l'"orador".
- Chuan II Ferrández d'Íxar y Cabrera, seteno barón, y primer duque d'Íxar.
BibliografíaEditar
- (es) ORTIZ CRUZ, Demelsa: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.