Ontario
Un u más biquipedistas son treballando actualment enamplando iste articlo. Puede estar que, por ixo, bi haiga lagunas de conteniu u deficiencias de formato. Por favor, antis de realizar correccions mayors u reescrituras, contacte con éls en a suya pachina d'usuario u a pachina de discusión de l'articlo ta poder coordinar-ne la redacción. |
Ontario ye una provincia de Canadá con una población estimada (2024) d'alto u baixo 16 millons d'habitants. La suya capital ye la ciudat de Toronto, que ye amás a suya ciudat mas poblada. En o territorio d'Ontario se troba la ciudat d'Ottawa, que ye la capital de Canadá. Se troba situada en o centro-este d'o país y ye la suya provincia mas meridional.
Ontario Ontario | |||||
Provincia deCanadá | |||||
| |||||
Entidat • País |
Provincia Canadá | ||||
Capital • Población |
Toronto 2.794.356 | ||||
Ciudat mas poblada | Toronto | ||||
Idioma oficial | Anglés | ||||
Superficie • Total |
1 076 395 km² | ||||
Gubierno • Primer ministro • Lugartenient Gubernador |
Doug Ford Edith Dumont | ||||
Población • Total (2015) |
13 733 544 hab. | ||||
ISO 3166-2 | CA-ON | ||||
Pachina web oficial |
A suya población estimada en 2024 ye de 16.124.118 en una superficie d'1.076.395 km², con una densidat de población de 15,91 hab/km². Por a suya superficie, ye la segunda provincia de todo Canadá dezaga de Québec.
Ontario muga a l'este con Manitoba, a lo norte con as badías de Hudson y James y a l'este y nord-este con Québec. A lo sud, muga con os estaus estausunidense de Minnesota, Michigan, Ohio, Pennsilvania y Nueva York. Ista muga sud d'Ontario con os Estaus Unius, con una longaria de bels 2.700 km, sigue una linia natural de ríos y lacos, dende lo laco d'as Selvas a l'ueste en avanzando enta l'este seguindo lo suyo desaugue enta los Grans Lacos d'America d'o Norte que continará enta lo río Sant Lorient. En ista muga sud, nomás que alto un baixo 1 km ye de muga terrestre.
A tamas d'a gran extensión da provincia d'Ontario, tanto la mayor parte d'a suya población como la mayor parte d'a suya supeficie cultivable se concentra a lo sud d'a provincia, como consecuencia s'a suya climatolochía, estando lo norte d'Ontario escasament poblau, con hibiernos muit fríos y gran presencia d'as selvas. D'atra man, encara que l'agricultura conserva muita mportancia en a economía provincial, la industria tien un peso muito mas gran que l'agricultura en a economía.
Etimolochía
editarA palabra Ontario se creye que tien orichen en as luengas amerindias, citando-se dos posibles oríchens d'a mesma. Ta uns, provien d'ontarí:io, que en wyandot significa gran laco;[1] ta atros, l'orichen se trova en a voz skanadario, que significa augua polida u augua brilant en luengas iroquesas[2] (cal parar cuenta que Ontario poseye bels 250.000 lacos d'augua dulza).[3]
A primer mención d'Ontario se produz en l'anyo 1641, quan s'emplegaba ta designar os territorios situaus a lo norte d'a parte mas oriental d'os Grans Lacos d'America d'o Norte,[4] estando adoptau como nombre oficial en 1867 ta designar a la provincia creyada en ixe inte.[4]
Cheografía
editarO clamau Escudo Canadiense, que s'estendilla por o nord-ueste y lo centro d'a provincia, ye una redolada poco poblada y que ocupa mas d'a metat d'a superficie terrestre d'Ontario. Encara que en ista parte d'a provincia l'agricultura tien una presencia marguinal, ye un territorio rico en minerals, ye cubierta en bella cosa por silvas y poseye muitismos ríos y lacos. Ista redolada, conoixida como Ontario d'o Norte se puet dividir en dos subrechions, Ontario Nord-ueste y Ontario Nord-este.
As tierras baixas d'a badía de Hudson, a l'extremo norte y a l'extremo nord-este se troban practicament deshabitadas y son un territorio con paúls y pantanos con bien poca presenci d'árbols.
Ontario d'o Sud ye dividiu en cuatre subrechions: Ontario Central, Ontario Oriental, Ferradura Dorada y Ontario Sud-ueste.
Referencias
editar- ↑ (en) Marianne Mithun: The Languages of Native North America, Cambridge University Press, 2001, p.312. ISBN 978-0-521-29875-9.
- ↑ (en) About Canada // Ontario, en Study Canada.
- ↑ (en) Lakes and Rivers.
- ↑ 4,0 4,1 (en) Ontario en a web d'o Gubierno de Canadá.
Vinclos externos
editar- Se veigan as imáchens de Commons sobre Ontario.
- (en) Pachina web oficlal d'o Gubierno d'Ontario.
Provincias y territorios de Canadá | ||
---|---|---|
Alberta | Columbia Britanica | Isla d'o Prencipe Eduardo | Manitoba | Nueva Brunswick | Nueva Escocia | Ontario | Quebec | Saskatchewan | Terranova y Labrador Territorios: Nunavut | Territorios d'o Nord-ueste | Yukón |