Mont Albo (sierra de Miravalles)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mont Albo Montalbo
Situación
Situación	Muga entre os municipios d'Aranda de Moncayo, Pomer y Malanquiella (Zaragoza)
Latitut
Lonchitut
Vértiz cheodesico
Cheografía
Cordelera	Sistema Iberico
Sierra	Sierra de Miravalles
Macizo
Altaria	1.297 m
Primera puyada
Ruta mas fácil
Mapa

Mont Albo (en castellano Montalbo) ye un mont de 1.297 metros d'altaria, situau en la sierra de Miravalles, en la provincia de Zaragoza.

Toponimia

L'oronimo Mont Albo ye transparent en mozarabe y en l'aragonés medieval preliteriario u anterior a la formación de la scripta medieval. En las luengas iberorromanicas se produció una substitución de l'adchectivo cualificativo cromatico d'orichen latín albo por l'adchectivo cualificativo d'orichen francico blanco cuan encomenzaba la Reconquiesta,^[1] por lo que mont Albo podría estar d'un periodo primerenco d'este proceso historico u anterior igual como Penyas Albas, Castralbo, Mont Albán u Torralba.

Se troba documentau en una sentencia dictada por l'infant Don Chaime lo 22 de mayo de 1314:

desde Torre de la Masa según va recto hasta Torre de la Calderuela y de Torre de la Calderuela hasta la cumbre de Mont Alvo, y de allí de cerro en cerro hacia la parte de Malanquiella según vierten las aguas y según se extiende hasta el término de Ciria.^[2]

Y en unatro texto de 1315:

et de Montalvo entro al término de Ciria seys (mollones)...^[3]

Cheolochía

Mont Albo ye feito de materials calsinosos: de dolomías de lo Retián (Triasico tardano) y carniolas-brechas dolomiticas de lo Hettanchián (Churasico primerenco), con representación de las formacions Imón, Cortes de Tajuña y Lecera. Estos materials son sobre la formación Keuper.

Referencias

↑ (es) Jairo Javier García Sánchez: Atlas toponímico de España. Editorial: Arco/Libros, S.L., 2007, p 81, pp 259-260.
↑ (es) Ignacio Pérez-Soba Díez del Corral, Miguel Angel Solá Martín: Los pastos del monte Entredicho (Malanquilla, Zaragoza)una contienda medieval aún viva (1313-2002). Cuadernos de la Sociedad Española de Ciencias Forestales, ISSN 1575-2410, Nº 16, 2003 (Eixemplar dedicau a publicar las Actas de la II Reunión sobre Historia Forestal, pachina 186.
↑ (es) Miguel Angel Solá Martín: Los pleitos por el monte Entredicho de Malanquilla durante los reinados de Jaime II y Alfonso IV (1313-1337). Publicau en: Cuarta Provincia, nº 2 (2019). pp. 33-64. ISSN: 2605-3241.

Bibliografía

(es) Instituto Geológico y Minero de España: Mapa Geológico de España E 1:50.000. Borobia. Servicio de publicaciones de Ministerio de Industria y Energía. 1983.

Vinclos externos

(es) En "Mendikat".

Datos: Q65397812

[ATLASTOPONIMICO-1] (es) Jairo Javier García Sánchez: Atlas toponímico de España. Editorial: Arco/Libros, S.L., 2007, p 81, pp 259-260.

[ENTREDITOCALDERUELA-2] (es) Ignacio Pérez-Soba Díez del Corral, Miguel Angel Solá Martín: Los pastos del monte Entredicho (Malanquilla, Zaragoza)una contienda medieval aún viva (1313-2002). Cuadernos de la Sociedad Española de Ciencias Forestales, ISSN 1575-2410, Nº 16, 2003 (Eixemplar dedicau a publicar las Actas de la II Reunión sobre Historia Forestal, pachina 186.

[PLEYTOSENTREDITO-3] (es) Miguel Angel Solá Martín: Los pleitos por el monte Entredicho de Malanquilla durante los reinados de Jaime II y Alfonso IV (1313-1337). Publicau en: Cuarta Provincia, nº 2 (2019). pp. 33-64. ISSN: 2605-3241.

[1]

[2]

[3]