La Calderuela

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Calderuela ye una aldeya medieval d'Aranda de Moncayo situada baixo l'actual Torre de los Moros u Casa de los Moros, entre los termins municipals d'Aranda de Moncayo y Malanquiella (Zaragoza).

La Calderuela
Despoblau medieval d'Aragón
Entidat  • País  • Provincia  • Comarca  • Municipios	Despoblau medieval  Aragón  Zaragoza Comunidat de Calatayú Aranda de Moncayo y Malanquiella
Partiu chudicial	L'Almunia de Donya Godina
Población  • Total	0 hab.
Parroquial  • Diocesi  • Arcipestrau	Tarazona Baixo Xalón
Coordenadas	41°35’27’’N 1°51’38’’U
La Calderuela La Calderuela en Aragón

Toponimia

En los textos medievals se puet trobar latinizau como La Calderola. Un terreno relacionau con esta aldeya medieval corresponde a lo mont d'utilidat publica numero 13 de la provincia de Zaragoza y de lo termin municipal de Malanquiella conoixiu como El Entredicho dica l'anyo 2000 y actualment como El Entredicho y la Cocuta. Este microtoponimo ye indicador de lo litichio que bi ha por lo suyo uso entre Aranda de Moncayo y Malanquiella.

Historia

Chaime I d'Aragón fundó l'aldeya de La Calderuela con chent d'Aranda de Moncayo como primers habitadors, concedendo-lis un boyalar. Lo 13 d'octubre de 1263 Chaime I atorgó La Calderuela a Pero Vera pa que i construís una torre a condición que siempre fues aldeya d'Aranda de Moncayo, manimenos l'aldeya quedó pronto despoblada, y dende 1313 los textos se refieren a los dreitos sobre l'uso de lo suyo termin por part de los habitants d'Aranda de Moncayo y Malanquiella, que tienen un litichio por lo suyo territorio que dura dica huei. L'infant Don Chaime dictó una sentencia que afectaba a este territorio lo 22 de mayo de 1314:

desde Torre de la Masa según va recto hasta Torre de la Calderuela y de Torre de la Calderuela hasta la cumbre de Mont Alvo, y de allí de cerro en cerro hacia la parte de Malanquiella según vierten las aguas y según se extiende hasta el término de Ciria.

En 1466 se firmó en La Calderuela un texto de concordia lo que podría indicar que encara bi heba cualques casas.

Molimentos

• Torre del Moro (Malanquilla) o Casa de los Moros.

Bibliografía

• (es) Ignacio Pérez-Soba Díez del Corral, Miguel Angel Solá Martín: Los pastos del monte Entredicho (Malanquilla, Zaragoza)una contienda medieval aún viva (1313-2002). Cuadernos de la Sociedad Española de Ciencias Forestales, ISSN 1575-2410, Nº 16, 2003 (Eixemplar dedicau a publicar las Actas de la II Reunión sobre Historia Forestal, pachinas. 185-192.

Lugars desapareixius de Malanquiella
La Calderuela