Luengas retorromanicas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas retorromanicas
Familia lingüistica
Atras denominacions:	Luengas reticas, retorromanz
Distribución cheografica:	Suiza Italia
Etnia:
Clasificación lingüistica
Clasificación:	Indoeuropeas Romances Italo-occidentals Galo-iberica Galorromanica Galo-retico Retorromanico
Protoluenga:	Latín
Subdivisions:	1) Rumanche 2) Ladino 3) Friulán
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	roa
Linguasphere:	'
Glottolog:	[5]
Mapa de situación
Aria actual y historica d'o reto-romanico

As luengas retorromanicas u reticas son un grupo de luengas romances que derivan d'una luenga comuna que amaneixió en l'aria alpina a lo sud de lo Danubio y que rebló debant de la expansión de las luengas chermanicas, que en la suya zona evolucionoron ta l'alto alemán, y tamién en menor mesura debant de la expansión de bellos idiomas de lo grupo italiano.

D'alcuerdo con Heinrich Lausberg se remonta a lo mesmo latín galico que se parlaba en Galia y norte d'Italia y lo vei mes arcaizant que l'arpitán. A deseparación d'o retorromanico respecto a l'arpitán se produció por a invasión en forma de falca d'os alamans, seguita por una chermanización. As ciudaz italianas d'o norte aduyoron a estendillar bels dialectos noritalicos que desplazoron a lo retorromanico en os semontans alpins. A colonización bayoaria u bavara de l'Alto Tirol contribuyó a arrinconar mes a lo retorromanico. Huei ye trestallato en tres idiomas pareixitos que permiten deducir un común orichen, os dos zaguers son deseparatos por a falca chermana d'o Tirol.

• Rumanche
• Ladino
• Friulán

Variedaz

Comprende diferents seccions:

• Dialectos rumanches (rumantsch): o sursilván, o sutsilván, o surmirán, l'alto enguiadinés u puter y o baixo enguiadinés u vallader forman os cinco dialectos escritos que se parlan en Suiza (en o cantón d'os Grisons), en l'actualidat o numero de parlants de toz istos dialectos chuntos ye de bellas 35.000 personas.
• O interrumanche (rumantsch grischun): mena de lingua franca rumanche emplegada en Suiza ta unificar a ventena de dialectos rumanchees, y que se basa mas que mas en o sursilván, o vallader y o surmirán. O interrumanche ye una d'as luengas oficials d'o cantón suizo d'os Grisons.
• Dialectos ladinos (ladino): parlaus en os Dolomitas (Italia), se consideran una luenga rechional.
• O friulán o furlán (furlan): parlau en a provincia d'Udine, tien o estatuto de luenga rechional en Friuli-Venecia Chulia.

A o largo d'os sieglos l'abance d'as parlas alemanas y italianas n'ha reduciu muito o territorio, que probablement heba estau contino. Actualment bi ha tres bloques de dialectos retorromanicos, estendillaus por tres arias deseparadas as unas d'as atras. A tamas d'iste isolamiento cheografico y as diferencias destacables que bi ha entre as diferents variedaz, que dificultan a comunicación entre os suyos parlants, se considera que o retorromanico constituye una sola luenga. Socialment bi ha consciencia de chirmandat entre os diferents pueblos de parla retorromanica. En total, o numero de parlants de retorromanico se sitúa entre as 400.000 y as 750.000 personas.

Se veiga tamién

• Heinrich Schmid
• Retorromania

• Datos: Q515593
• Multimedia: Rhaeto-Romance languages / Q515593