La Caridat (chacimiento arqueolochico)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La Caridat ye un chacimiento arqueolochico de caracter urbano d'epoca republicana romana, existent aproximadament entre los sieglos II aC y I aC. Ye situau en o termin municipal de Camin Reyal (Teruel, Aragón, Espanya).[1]
| La Caridat | |
| Ciudat romana | |
| Entidat • País • Provincia |
Ciudat Imperio Romano Hispania Tarraconense |
| Superficie • Total |
12.5 |
| Actual | Camin Reyal |
| Fundación | Sieglo II a.C |
| Desaparición | Sieglo I a.C |
.svg)  | |
Estió declarau Bien d'Interés Cultural per lo Gubierno d'Aragón.[2]
Historia
editarLa ciudat estió en tres emplazamientos succesivos, estando La Caridat lo primero d'éls y amostrando una continuidat de hábitat de caracter urbano ininterrompiu en a comarca d'o sieglo II aC a lo menos dica lo sieglo sieglo IV.[3] Estió fundau como un asentamiento celtíbero en proceso de romanización y estió destruyiu a causa d'as guerras sertorianas libradas en a Peninsula Iberica entre los anyos 82 aC y 72 aC, tresladando-se los suyos habitants a lo vecino Pueyo de Sant Esteban (Lo Pueyo), an fundoron una nueva ciudat.[4]
Se desconoixe con seguranza lo nombre d'a ciudat. Cotejando diversas fuents de l'Antiguidat (Historia Natural, de Plinio lo Viello; la Cheografía de Claudio Ptolomeu u lo Anonimo de Rávena) podría tractar-se de Leonica, nombre dau en estar habitada per los leonicenses, lugar celtíbero que suposadament habitaba la zona.[5]
La ciudat sería ubicada dentro d'o trayecto de l'antiga calçada romana que uniría las poblacions de Saguntum (actual Sagunto) y Bilbilis (actual Calatayú). La calzada seguiría la marguin ezquierda d'o curso d'o Xiloca a l'altura de dito chacimiento.
Descripción
editarL'asentamiento estió localizau en 1977 per un equipo d'o Museu de Teruel. Las excavacions sistematicas empecipioron en 1984, continando los treballos d'investigación y restauración dica hue.
Se troba situau a las afueras d'o nuclio urbano.[6] Ocupa una plataforma liucherament elevada sobre lo cauce d'o Río Xiloca con una extensión total de 12,5 hectarias, superficie muito superior a l'habitual en os chacimientos d'epoca iberica d'esta comarca, y que pareixe indicar, de conchunta con atros elementos, lo caracter semiurbano de l'asentamiento.
En o chacimiento existen viviendas de planta cuadrada, normalment organizadas arredol d'un patio central porticado, arredol d'o cual se distribuyen estancias de caracteristicas muito diferents. Los pavimentos gosan estar d'archila u tierra batida, con suelos que no amenesten una preparación especial, limitando-se a reforzar lo terreno y a anyadir a la tierra natural una porción d'archila pa dar-le una mayor consistencia.
A escasa distancia d'o chacimiento se troba lo Centro d'Interpretación d'a Cultura Romana en Caminreal (CICAR), habilitau en l'antiga estación de ferrocarril d'o municipio, en an per medio de diferents elementos (maquetas, audiovisuals, recreacions, etc.) se puede conoixer la vida d'os habitants d'este territorio fa 2000 anyos.[7]
Restas conservadas
editarEntre las restas exhumados destaca en gran manera lo goso d'una d'as viviendas, [1] en a cual s'ha trobau una inscripción iberica sobre un mosaico romano realizau con teselas blancas de caliza, con dimensions arredol d'un centímetro de costau. Presenta en a suya composición tres capas; primero s'observa una preparación d'o leito an se va a construyir lo pavimento per medio d'a extensión d'una capa de tierra archilosa, sobre la cual se colocó un leito de cantos rodaus aglutinaus per medio d'un mortero de cal. La capa superior ye formada per chicoz cantos de caliza y fragmentos de ceramica de tipo iberico, sobre la cual se incrustaron las teselas que forman lo esquema decorativo.
La conservación d'o pavimento ye excelent y s'ha conservau en o puesto d'orichen, prenendo las medidas de protección necesarias pa privar la suya destrucción y paliar los efectos d'os cambios climaticos y las baixismas temperaturas que se rechistran en esta zona.
Lo mosaico ye de forma rectangular. Ye enmarcau per un filete de teselas blancas y presenta un campo dividiu en tres superficies rectangulars yuxtapuestas en linia. La superficie central ye subdividida en tres zonas u panels, tamién rectangulars.
La inscripción se localiza en a dentrada prencipal d'a estancia, ocupando en espacio important dentro d'o esquema compositivo d'o pavimento y perfectament integrau en él. Consta de decisiet signos realizaus con teselas blancas, distribuyius en tres vocablos separaus per puntos. La transcripción no planteya problemas, en primer puesto i hai un punto y contino las tres parolas:
Li.ki.n.y.te. y.ki.ar. u.s.y.ke.r.te.ku [2]
Lo epígrafe se traduz como Likine-te, de Usecerde (Osizerda), lo fació, interpretando que Likine-te ye lo propietario d'a obra en o suyo conchunto y no nomás d'o pavimento. Ha de meter-se en relación con un mosaico de letrero semellant d'o chacimiento de Andelos (Mendigorría, Navarra).[1][8]
Referencias
editar- ↑ 1,0 1,1 Ciudad de la Caridad (Caminreal), Xilocapedia.
- ↑ Decreto 175/2004, de 6 de julio, del Gobierno de Aragón, por el que se declaran bien de interés cultural, en la categoría de conjunto de interés cultural, zona arqueológica, el yacimiento denominado «La Caridad», localizado en el término municipal de Caminreal (Teruel). Boletín Oficial de Aragón (BOA), 21 de chulio de 2004, pach. 7162.
- ↑ Caballero Casado, Carlos: Asentamientos urbanos en la Celtiberia Citerior en la República y el Alto Imperio: la ciudad como elemento de romanización, pach. 135. Universidad Complutense, 1996.
- ↑ Caballero Casado, Carlos: «2.3. Estrategias socioeconómica. Concesión de estatutos privilegiados.» Asentamientos urbanos en la Celtiberia Citerior en la República y el Alto Imperio: la ciudad como elemento de romanización, pach. 341. Universidad Complutense, 1996.
- ↑ Plinio lo Viello: Naturalis Historia. Libro III, pach. 24.
- ↑ Copia archivada, 27 d'abril de 2017.
- ↑ CICAR, Youtube.
- ↑ La Caridad, Gran Enciclopedia Aragonesa.
Bibliografía
editar- (es) Atrián Jordán, Purificación, et altri (1980), Carta Arqueológica de España, Instituto de Estudios Turolenses. ISBN 978-84-00-04689-7.
- (es) Caballero Casado, Carlos Javier (2003), Asentamientos urbanos en la Celtiberia Citerior en la República y el Alto Imperio: la ciudad como elemento de romanización, Universidad Complutense. ISBN 84-669-1041-7.
- (es) Vicente Redón, Jaime D. (1984), El yacimiento de 'La Caridad' (Caminreal, Teruel), Diputación General de Aragón.
- (es) Vicente Redón, Jaime D. (1988), La Caridad. Caminreal, Diputación de Zaragoza.
- (es) Vicente Redón, Jaime D., et altri (1989), El mosaico romano con inscripción ibérica de la Caridad (Caminreal, Teruel), Centro de Estudios del Jiloca. ISSN 0214-1175.
- (es) Vicente Redón, Jaime D., et altri (1989), Un pavimento de opus signinum con epigrafía ibérica, Ministerio de Cultura. ISBN 84-404-5848-7.
- (es) Vicente Redón, Jaime D., et altri (1991), La Caridad (Caminreal, Teruel), Institución Fernando el Católico. ISBN 84-7820-093-2.
Enlaces externos
editar- La Caridad y yacimientos arqueológicos
- Video explicativo d'o chacimiento. Departamento de Cultura d'o Gubierno d'Aragón
Datos: Q43179070
Multimedia: Yacimiento de La Caridad (Caminreal) / Q43179070
![[1]](http://3.bp.blogspot.com/_3Wle7dw_6x4/TJG5nBJzcGI/AAAAAAAAAR4/8rUofxww_YA/s1600/PLANO+CASA+lIKINETE.jpg){kind=link}