Abrir menú principal
Joachim Lemelsen
26 de setiembre de 1888 - 30 de marzo de 1954
Información personal
Embotada
Puesto de naixencia Flag of the German Empire.svg Berlín (Imperio Alemán)
Puesto de muerte Flag of Germany.svg Göttingen (Baixa Saxonia, Alemanya)
Información melitar
Leyaltat Flag of the German Empire.svg Imperio alemán
Flag of Germany (3-2 aspect ratio).svg Republica de Weimar
Flag of Germany (1935–1945).svg Tercer Reich
Anyos de servicio 1907-1945
Rango General der Panzertruppe
Mandos 29ena División d'Infantería
5ena División Panzer
XLVII Cuerpo d'Exercito Motorizato
10eno Exercito
1r Exercito
14eno Exercito
Unidat
Batallas/guerras Primera Guerra Mundial
Segunda Guerra Mundial
*Invasión de Polonia en 1939
*Batalla de Francia
*Operación Dynamo
*Frent Oriental
*Operación Barbarroya
*Batalla de Smolensk
*Batalla de Kiev
*Batalla de Briansk
*Batalla de Kursk
*Frent Occidental
*Campanya d'Italia
*Linia Gotica
Premios Cruz de Caballero d'a Cruz de Fierro con Fuellas de Caixico
Atras funcions

Joachim Lemelsen, naxito de Berlín (Imperio Alemán) o 26 de setiembre de 1888 y muerto en Göttingen (Baixa Saxonia, Alemanya) o 30 de marzo de 1954,[1] estió un melitar alemán, que desembolicó a suya carrera melitar a o servicio en primeras d'o Imperio alemán (con o que partecipó en a Primera Guerra Mundial) y dimpués d'a Republica de Weimar en rematar a guerra, dica que en 1933 se proclamó o Tercer Reich, continando asinas a suya carrera en a Wehrmacht, a on plegó dica o ran de General der Panzertruppe y mandó destacadas unidatz melitars mientres a Segunda Guerra Mundial, dica rematar con a suya rendición a os Aliatos en Italia o 2 de mayo de 1945, quan mandaba o 14eno Exercito d'a Wehrmacht.

Entre d'atros honors y premios, recibió a Cruz de Caballero d'a Cruz de Fierro con Fuellas de Caixico. Partecipó en importants feitos d'armas en o Frent Occidental y en o Frent Oriental.

Primeras anyadas d'a suya carreraEditar

Joachim Lemelsen naixió d'a ciudat de Berlín, y yera fillo d'un oficial de carrera d'o Exercito alemán. Dentró en o Exercito alemán en 1907 como aspirant.[2]

Primera Guerra MundialEditar

Mientres a Primera Guerra Mundial Lemelsen sirvió como oficial d'artillería dica 1916, quan lo transferioron enta o Estato Mayor d'a 52ena División d'Infantería.

En 1917 fue tranferito tafer parte d'o Estato Mayor de l'oficial que mandaba a esfensa d'a costa alemana d'a mar d'o Norte, Josias von Heeringen, mandando un batallón y estando ninvito dimpués en o Estato Mayor del VI Cuerpo d'Exercito de Reserva.

Lemelsen remató a guerra con o ran de capitán, recibindo-ie a Cruz de Fierro de primera y segunda clases y a Orden d'a Casa de Hohenzollern.

Republica de WeimarEditar

En rematar a guerra en 1918 con la redota d'o Imperio alemán, Joachim Lemelsen decidió continar a o servicio d'a Reichswehr, o reducito exercito que as clausulas d' Tractado de Versailles de 1919 autorizoron que conservase a Republica de Weimar.

En a posguerra Lemelsen tornó an l'Arma d'Artillería,[2] amprando os suyos servicios como comandant d'a Escuela d'Artillería en 1934, con o ran d'oberst,[2] y como comandant d'a Escuela d'Infantería en 1935. L'1 d'abril de 1937 puyó a o ran de generalmajor.[2]

En marzo de 1938 se li atorgó o mando d'a 29ena División d'Infantería, que posteriorment fue motorizata, prenendo parte con ista unidat en a invasión de Checoslovaquia dimpués d'os Pactos de Múnich. L'1 d'abril de 1939 puyó a o ran de generalleutnant.[2]

Segunda Guerra MundialEditar

En prencipiar a Segunda Guerra Mundial, Lemelsen, que mandaba a 29ena División d'Infantería,[2] partecipó en a invasión de Polonia en 1939 en o Frent Oriental, y tamién en as primeras fases d'a batalla de Francia en o Frent Occidental; sindembargo, o 28 de mayo de 1940, quen se desembolicaba a batalla de Francia, s'atorgó a Lemelsen o mando d'a 5ena División Panzer, con a que prenió parte en a luita contra la Fuerza Expedicionaria Britanica d'o Exercito britanico en Dunkerque, en a Operación Dynamo. L'1 de chulio de 1940 puyó a o ran de General der Artillerie.[2]

O 25 de noviembre de 1940 Lemelsen recibió o mando d'o nuevo XXXXVII Cuerpo d'Exercito Motorizato, y con istas tropas partecipó en a Operación Barbarroya, en a conquiesta de Smolensk y en as batallas de Kiev y Briansk. O XXXXVII Cuerpo esdevenió o XXXXVII Cuerpo d'Exercito Panzer en chunio de 1942, y con a suya nueva denominación partecipó en operacions contra os partisans rusos y en a batalla de Kursk.

Dimpués de mandar o XXXXVII Cuerpo d'Exercito Panzer en Rusia, Lemelsen pasó a mandar o Exrcito de reserva y temporalment mandó o 10eno Exercito desplegato en Italia, en 1943. Lemelsen recibió o mando d' 1r Exercito, desplegato en a costa atlantica francesa en mayo de 1944. Nomás que un mes dimpués, a conseqüencia d'a cayita de Roma en mans d'os Aliatos, Lemelsen fue ninviato en Italia ta que mandase o 14eno Exercito, que mandó mientres toda a campanya d'Italia, entre chunio de 1944 y a suya rendición final a os Aliatos amán d'os Alpes en mayo de 1945.

Feito prisionero por o Exercito britanico, fue liberato o 16 de mayo de 1948.[2] Morió en Göttingen (Alemanya Occidental) o 30 de marzo de 1954.[2]

Vinclos externosEditar

BibliografíaEditar

ReferenciasEditar

  1. (en)/(fr) de Lannoy, François y Charita, Josef: Panzertruppen. Les troupes blindées allemandes. German armored troops. 1939-1945. Éditions Heimdal. Bayeux, 2001, ISBN 2-84048-151-0, pachina 69.
  2. 2,0 2,1 2,2 2,3 2,4 2,5 2,6 2,7 2,8 (Lannoy-Charita 2001:69)
  3. (de) 29. Infanterie-Division en a pachina web Lexicon der Wehrmacht.
  4. (de) 5. Panzer-Division en a pachina web Lexicon der Wehrmacht.
  5. (de) XXXXVII. Armeekorps (47.) en a pachina web Lexicon der Wehrmacht.
  6. 6,0 6,1 (en)/(fr) de Lannoy, François y Charita, Josef: Panzertruppen. Les troupes blindées allemandes. German armored troops. 1939-1945. Éditions Heimdal. Bayeux, 2001, ISBN 2-84048-151-0, pachina 138.
  7. (de) 10. Armee en a pachina web Lexicon der Wehrmacht.
  8. (de) 1. Armee en a pachina web Lexicon der Wehrmacht.
  9. (de) 14. Armee en a pachina web Lexicon der Wehrmacht.
  10. (de) 14. Armee en a pachina web Lexicon der Wehrmacht.