Ilesia Ortodoxa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Ilesia Catolica Apostolica Ortodoxa ye una comunidat cristiana con una antigüidat, seguntes a tradición, que viene d'os tiempos de Chesús y os doce apóstols, a traviés d'una sucesión apostolica sin d'entorrompir. Ye a tercera d'as tres grans ilesias u comunidaz cristianas, chunto a la Ilesia Catolica Romana y o conchunto d'ilesias protestants, y ha alto u baixo 215 millons de fiels en tot o mundo.
A Ilesia Ortodoxa ye a heredera de totas as comunidaz cristianas d'a metat oriental d'a Mediterrania. A suya doctrina teolochica s'establió en una serie de concilios, d'os cuals os mas importants son os Siet Concilios Ecumenicos, que se celebroron entre os sieglos IV y VIII. Dezaga de cuantos conflictos, a Ilesia Ortodoxa se deseparó de l'actual Ilesia Catolica en o dito Scisma d'Orient y Occident, o 16 de chulio de 1054. O cristianismo ortodoxo s'estendilló por Europa oriental gracias a lo prestichio de l'Imperio Bizantín y a la faina de numerosos grupos misioners.
En l'actualidat, o cristianismo ortodoxo ye a relichión predominant en Grecia, Chipre, Rusia, Ucraína, Belarrusia, Serbia, Montenegro, Macedonya d'o Norte, Bosnia y Herzegovina, Rumanía, Moldavia, Bulgaria, Cheorchia y Armenia. Debito a la emigración, existen tamién comunidaz importants en Estaus Unius, Canadá y Australia.
A Ilesia Ortodoxa ye formata en realidat por unas cuantas ilesias autocefalas, que reconoixen l'autoridat, unicament simbolica, d'alcuerdo a lo patriarcato que correspondan (Patriarcato d'Antioquía, de Constantinoble, Patriarcato griego...).
Se veiga tamién
editar
Datos: Q35032
Multimedia: Eastern Orthodox Church / Q35032
