Ilesia Ortodoxa Siriana

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Ilesia Ortodoxa Siriana d'Antioquía, a vegatas dita Chacobina, Chacobita u Siriaca, ye una ilesia autocefala, una d'as Ilesias Ortodoxas Orientals que no acceptó as conclusions d'o Concilio de Calcedonia.

Miembros d'o Santo Sinodo d'a Ilesia Ortodoxa Siriana en Domás.

Esta ilesia considera que o suyo orichen se remonta a lo sieglo I, y que estió a primera ilesia cristiana establita fuera de Palestina, fundata en Antioquía por l'apóstol Simón Pero en l'anyo 34 y sirvió como centro d'a misión de Pavlo de Tarso, seguntes se lei en os Feitos d'os Apostols. Antioquía estió uno d'os grans centros d'a cristiandat en os primers sieglos.

Schisma editar

A Ilesia Ortodoxa Siriana estió unita tanto con a Ilesia Catolica Romana, como con a Ilesia Ortodoxa Griega, dende o Concilio de Nicea I, pero refusó as decisions d'o Concilio de Calcedonia, en l'anyo 451. Encara que as decisions conciliars fuoron imposatas por as autoridaz de l'Imperio Romano d'Orient, os disidents se refuchioron en zonas rurals remotas y fuera de l'imperio, en especial en l'Imperio Sasanida. Manterioron a suya propia liturchia en a variant siriaca de l'arameu, que charraba a mayor parte d'a población d'a zona. En o sieglo VI esta Ilesia encomenzó a ser conoixita como chacobina, por o suyo líder Chacó Baradai, bispe d'Edesa. Como se desveniba con a ilesia copta a población nativa de luenga aramea trobaba en a ilesia siriana un camín pa oposar-se a las autoridaz imperials de cultura y luenga griega, o monofisismo siriano representaba asinas un "nacionalismo relichioso".

Disminución editar

A invasión arabo-musulmana en o sieglo VII remató con as persecucions bizantinas pero fació que estar d'a ilesia monofisista tenese un significato politico antibizantino. Muitos sirians se convirtioron a la relichión musulmana pa poder asociar-se a los gubernants militars arabes, beluns d'os convertitos y rematoron participando en l'administración d'o Califato Omeya de Domás.

Persecucions editar

As invasions turquicas, mongolas a partir d'o sieglo XIII y especialment l'ataque de Tamerlán en 1399, destruyoron os templos y monesterios y dispersoron as comunidaz. Dimpués d'a deseparación definitiva d'as ilesias Catolica Romana y Ortodoxa Griega, en o sieglo XVI os catolicos ofrexioron a las ilesias orientals que podeban entrar estar catolicos mantenendo a suya liturchia pero aceptando a obediencia a lo Papa de Roma. D'esta traza a ilesia siriana se trestalló en una branca ortodoxa autocefala y una branca siriana catolica.

Pero o mayor golpe estió a persecución otomana, mientres y chusto dimpués d'a I Guerra Mundial, con grans mortaleras obra de turcos y kurdos. O Patriarcato habió de trasladar-se en 1924, dende o monesterio de Der ez-Za´faran on radicaba dende 1293, enta Homs, Siria. Dende 1959 establió a suya seu en Domás.

Mencions en fuents aragonesas editar

En a compilación historica "Grant Cronica de Espanya" de Chuan Ferrández d'Heredia en parlan, pero confundind-los con los ebionitas (chodigos que acceptoron a Chesucristo sin deixar a lei chodiga), y dando datos erronios como a suya denominación en honor a l'apóstol:

Los iacobines o iacobitas sigue(n) la error de e(n)tiçet. estos iacobitas so(n) asy clamados por(e)l apostol sa(n)t iayme h(er)mano de n(uest)ro senyor. d(e)l q(u)al seg(un)t ellos fi(n)ge(n)t huuiero(n) la fe xp(ist)iana. estos p(r)im(er)ame(n)t fuero(n) dichos ebionitas. los q(u)ales p(re)dica(n) q(ue) ih(es)u x(rist)o fue puro ho(m)bre & no(n) fijo de dios. & ho(n)rra(n) el sabado. & las ceremonias d(e)la ley co(n) los iudios / & ho(n)rra(n) el domi(n)go & el eua(n)g(e)lio co(n)los xp(ist)ianos. mas depues retraydos desta error ya sea no(n) ple(n)am(en)t corregidos / mas e(n)la error de e(n)tiçet caydos p(re)dica(n) una nat(ur)a & una uolu(n)tat & una op(er)acio(n) seyer e(n) ih(es)u x(rist)o. & me(n)osp(re)cia(n) d(e)l todo el (con)cilio de calçedonia. estos so(n) clamados monachelitas. q(ue) so(n) d(i)c(h)os demonos. q(ue) q(u)iere dezir uno echelen q(ue) q(u)iere dezir braço o op(er)acio(n). (q(ue) q(u)iere dezir .j. braço o .ja. operacio(n).)

En "la Flor de las Ystorias d'Orient", tradueita por a escuela de Chuan Ferrández d'Heredia los mencionan como iacobins (ye dicir "Chacobins"):

En el regno de Siria habitan diuerssas gentes, griegos, ermins, iacobins, nestorins, et otras dos naçiones de cristianos, es a saber, silianos et maronins. Los silianos tienen la manera de los griegos, et fueron obedientes en tiempo passado a la santa eglesia de Roma. Ellos parlan lengua arabica, et facen el offiçio de la eglesia con letras gerguescas. Los maronins tienen la seta de los iacobins, et han letras et lengua arabica; et aquesta gent habitan encara en el Mont de Liban deues las partidas de Gerusalem et son buena gent d'armas. Los silianos son muchos, mas los maronins son poca gent; et han entre ellos de valientes hombres de armas et de buenos sennores.

Os cristianos d'a Ilesia Siriana Ortodoxa fan part d'os "cristianos de la cintura" que figuran en muitos textos diplomaticos aragoneses y catalans adrezatos a gubernants d'Orient Meyo u en as traduccións d'as contestancions d'estos gubernants. A sobén "cristianos de la cintura" ye como denominan a cualsiquier cristiano d'una ilesia oriental que no siga ni armenia ni maronina.

Curiosidaz editar

A forma de canto mes pareixita a lo canto gregoriano la mantienen os cristianos sirianos urfalís refuchiatos en Siria.

Vinclos externos editar