Ilesia de Nuestra Sinyora de l'Asumpción de Peralta d'Alcofeya

A ilesia de Nuestra Sinyora de l'Asumpción de Peralta d'Alcofeya ye una ilesia d'estilos romanico y gotico aragonesa que se troba en a localidat de Peralta d'Alcofeya, en a comarca d'o Semontano de Balbastro y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau de Sesa-Berbegal en a diocesi de Uesca y de l'archidiocesi de Zaragoza.

Ilesia de Nuestra Sinyora de l'Asumpción
Frontera debantera d'a ilesia.
Situación cheografica
Estau	Espanya
País	Aragón
Comarca	Semontano de Balbastro
Situación	Peralta d'Alcofeya
Adreza	C/ del Carmen, 3 22130 Peralta d'Alcofeya (Uesca)
Coordenatas	41°55′55″N 0°03′58″U
Archidiocesi	Zaragoza
Diocesi	uesca
Arcipestrau	Sesa-Berbegal
Información cheneral
Advocación	Asumpción de Santa María
Culto	Catolico
Orden
Rector
Vicario parroquial
2.º Vicario parroquial
Mosen
Propietario	Ilesia Catolica
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ilesia
Estilo	Romanico Gotico
Función	Ilesia
Catalogación	Bien d'Intrés Cultural
Materials	Piedra picada
Construcción
Construcción	Sieglos XII-XIII
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Nuestra Sinyora de l'Asumpción Ilesia de Nuestra Sinyora de l'Asumpción en Aragón

Se tracta d'un templo consagrau a l'Asumpción de Santa María que gosa datar-se en primerías d'o sieglo XIII^[1]^[2] (u puet estar que a finals d'o sieglo XII)^[3] y que ye construyida con piedra picada en estilo romanico tardano, cuasi que de transición enta lo gotico, como evidencian as suyas esculturas.^[2] Mesmo ye poseible que sía lo zaguer templo romanico construyiu en Aragón.^[1]

O templo s'enampló mientres o sieglo XV en estilo gotico, y se i facioron cuatre restauracions financiadas por a Deputación Cheneral d'Aragón en o zaguer cuarto d'o sieglo XX.^[3] En ixe sieglo XV s'adhibiron a la nau dos trampos y capiellas laterals en o primer trampo.^[3]

Tanimientres, tamién aparixe mencionada como Ilesia de Nuestra Sinyora d'as Dolors,^[3] una atra advocación mariana.

Descripción

Frontera norte

A frontera norte d'a ilesia, con o suyo timpano, ye l'elemento mas destacau d'o templo.

Sobre la puerta de dentrada a l'edificio se troba un timpano en representando la Epifanía,^[2] refirmau por dos esconzons (que ramuestran a bels animals (fácil que lions) en devorando personas, a l'estilo desenrrollau por o clamau mayestro d'Agüero, encara que muito mas simplos)^[1] y emmarcau por seis arquivoltas, con figuras de caballers y en o centro Dios bendecindo la que ye en contacto con o timpano, y las atras u sin decoración u con escacau chaqués u figuras cheometricas.^[1] Os suyos capitels amuestran escenas de l'Antigo y d'o Nuevo Testamento.^[3]

En o timpano se troban representaus os Reis Magos en l'acto de l'Adoración, estando a la part cucha d'a composición, puet estar que acompanyaus por o suyo seguicio y estando bendecius por Santa María y por o Nino, contemplaus por Sant Chusé en a part dreita.^[2] Dos ánchels marchan enta los Reis Magos y preside la escena una estrela de ueito puntas.^[2]

As arquivoltas descansan sobre columnas y pilastras, alternando-se unas y atras.^[2] Os capitels d'as columnas y pilastras se troban bien desgastaus encara que en un d'éls se puet reconoixer a Dios rodiau de caballers y de musicos.^[2]

En un lateral de l'arquivolta exterior se troba grabau un nombre y una atribución, Espinosa me fe, amás de l'anyo 1577.^[1] Obviament no se tracta de l'autor d'o templo, sino de l'autor de bella obra u reforma posterior en a calendata grabada.

Interior

A ilesia de Nuestra Sinyora de l'Asumpción ye un edificio d'una sola |nau con un abside semicircular cubierto por vuelta de canyón y que refirman arcos faixons sostenius por columnas adosadas, estando los capitels d'as ditas columnas decoraus con motivos cheometricos.^[1] Bels d'os arcos faixons son lucherament apunchaus, fácil que en estar d'un momento posteriorala obra orichinal.^[1]

Adosaus lateralment a la nau d'a ilesia se troban dos capiellas.^[1]

Torre

Adosada a lo muro d'a Epistola se troba una torre en planta cuadrada con o primer cuerpo en piedra picada y los atros en ladriello, estando una obra d'o sieglo XIX.^[3]

Protección legal

A ilesia de Nuestra Sinyora de l'Asumpción de Peralta d'Alcofeya se troba protechida legalment por a suya declaración como Bien d'Intrés Cultural por Orden de 26 de chinero de 2004 publicada en o Boletín Oficial de Aragón o 20 de febrero de 2004,^[4] confirmando la declaración como Molimento Historico-Artistico feita por o Ministerio de Cultura d'Espanya l'11 de mayo de 1983^[3]