Rosa canina

Gabardera
Gabardera (Rosa canina)
Clasificación scientifica
Dominio: Eukaryota Reino: Plantae División: Magnoliophyta Clase: Magnoliopsida Subclase: Rosidae Superorden: Rosanae Orden: Rosales Familia: Rosaceae Subfamilia: Rosoideae Tribu: Roseae Chenero: Rosa Especie: R. canina
Nomenclatura binominal
Rosa canina
Linnaeus, 1758

A gabardera u garrabera (Rosa canina (L., 1758)) ye un arbusto silvestre natural d'Europa, norte d'Africa y la parte mediterrania d'Asia occidental. Perteneix en a familia Rosaceae y ye una d'as especies de roseras més comuns en as nuestras latitutz. Se ye considerato que podés estar l'antipasau d'as roseras ornamentals domesticas, anque no b'ha guaire certeza scientifica sobre ixo.

Os suyos lulos prenen o nombre propio de gabardas u garrabons, y anque son muit nutritivos y abundants en hibierno, cal parar cuenta perque lo suyo contenito frimbroso y las numerosas simients de l'interior los fa d'estar restrinchents, y per ixo no ne se pueden consumir pas guaires. D'ixa carateristica suya ne demana lo suyo nombre més popular u informal en Aragón que gosa estar «tapaculs/os» u «petaculs/os».

Formacions vechetals

Bi ha formacions vechetals con abundancia u predominio de gabarderas conoixidas como gabarderals, galabardals u gabardosas, nombres que pueden esdevenir toponimos:

• Gabardosa: entre Longars, Tosos y Villanueva de la Uerba.
• Gabarderal: en Sangüesa.
• Muela d'el Galabardal: en Aliaga.
• Gabarda: en Huerto.
• Gabarret: en Bonansa (con sufixo -et).
• Cubilar de Gabardito: en la Val d'Echo (con sufixo -eto sozmeso a metafonía).
• Gabardialla (entre Loporzano y Nueno).
• A Gabardiella.
• Palomar de Gabardiella.
• Gabardón.

Imachens

• 

  Flor

• 

  Fuella

• 

  Fruitos, as gabardas u garrabons.

• 

  Una gabardera plena de gabardas. Esto se vei muito en hibierno en os monts d'Aragón

• 
• 
• 
• 

Se veiga tamién

• Rosera.
• Chenero Rosa.

Vinclos externos

• Wikispecies tiene un articlo sobre Rosa canina.
• Se veigan as imachens de Commons sobre gabarderas.