Restrenyimiento

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O restrenyimiento (d'o latín restringĕre) ye una condición que consiste en a manca de movimiento regular d'os bodiellos, lo que produce una defecación infrecuent u con esfuerzo, cheneralment de fieces escasas y duras. A frecuencia defecatoria normal varía entre personas, dende un par de vegadas a o día dica tres vegadas a la semana. Puet considerar-se un trestuque seguntes altere u no a calidat de vida.

Restrenyimiento visto a traviés de rayos X. Os cerclos representan arias de materia fecal (as fieces son rodieadas de blanco debiu a o gas d'os bodiellos).

Causas

Por un regular ye ocasionau por una alimentación inadecuada (pobra en fibra y augua y a manca d'exercicio fisico). Manimenos tamién puet estar causau por o estrés u un cambeo de residencia. Finalment destacar que bels farmacos como a codeina u l'abuso de laxants son a vegadas os responsables d'iste simptoma.

Midas preventivas

I hai cuantas midas pa mirar d'evitar o restrenyimiento. En primeras s'ha de mantener una dieta rica en fibra, fruita fresca y verduras bullidas y crudas. D'atra man beber augua de forma abundant (1,5L). Amás fer exercicio fisico con regularidat. Finalment nunca no contenir-se cuan s'haiga d'ir ta o escusau.

Consecuencias

• Dolor abdominal.
• Problemas anals: Hemorroides, crencilla anal.
• Diverticulosi.

Tractamiento farmacolochico

Os laxants son productos que facilitan o paso y a eliminación d'as feices. Encara que, l'abuso de laxants puet producir restrenyimiento. Siempre, a la hora d'emplegar un laxant s'ha de consultar a o farmaceutico previament.

Existen diferents tipos de laxants, en orden de preferencia de prescripción serían:

• Incrementadors d'o bolo fecal: metilcelulosa (Muciplazma®), plantago ovata, bren, cal una buena inchesta de liquidos.
• Osmoticos: polietilenglicol (Casenglicol®, Evacuante Lainco®), sals de magnesio (Magnesia Cinfa®, Magnesia San Pellegrino®), lactulosa (EFG, Duphalac®), lactitol (Emportal®, Oponaf®)
• Estimulants: bisacodil (DulcoLaxo®), aceite de recino, senosidos (Laxante Salud®, Puntual®, Puntualex®, Pursenid®, X-Prep®)

Ocasionalment se puet requerir l'uso d'un enema de limpieza. Y, rarament y en pacients encamaus, una extracción dichital.

Vinclos externos

• Se veigan as imáchens de Commons sobre o restrenyimiento.
• (es) O restrenyimiento

• Datos: Q178436
• Multimedia: Constipation / Q178436