Francisco Ynduráin Hernández
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Francisco Ynduráin Hernández | |
|---|---|
| Información personal | |
| Calendata de naixencia | 25 de chunio de 1910 |
| Puesto de naixencia |  Aoiz (Navarra)
|
| Calendata de muerte | 25 d'octubre de 1994 |
| Edat | 84 |
| Puesto de muerte |  Madrit
|
| Ocupación | Filologo, historiadorr d'a literatura y profesor universitario |
Francisco Ynduráin Hernández (Aoiz, Navarra, 25 de chunio de 1910 - Madrit, 25 d'octubre de 1994) estió un filologo, historiador de literatura, critico literario y profesor universitario navarro.
Estió catedratico en a Universidat de Zaragoza y en a Universidat Complutense. Tamién estió miembro d'a Real Academia Española y a Real Academia de la Historia.
BiografíaEditar
Fizo los suyos primers estudeos en o suyo lugar, en Aoiz, y cursó dos anyadas de Bachillerato Elemental en a Escuela Apostólica de Xabier (Navarra). Dimpués, pasó lo Bachillerato universitario en Letras en Aoiz, como alumno libre. En 1928, popillo, marchó ta Sangüesa a vivir con su agüela materna.
Estudeó a carrera de Filosofía y Letras en a Universidat de Salamanca, aon que fue disciplo de Miguel de Unamuno. Se licenció con premio extraordinario y se doctoró en a Universidat de Madrit en 1940.
TrachectoriaEditar
Ynduráin estió profesor en bells destinos, entre os que se troba as universidatz de Salamanca, Oviedo, Zaragoza y a Complutense de Madrit. S'especializó en literatura d'o Sieglo d'Oro y Barroco espanyols, en a novelistica moderna espanyola, francesa, anglesa y estausunidense.
En Zaragoza, aon que pasó dende 1942 dica 1972, colaboró como critico literario en radio y en o perodico El Noticiero. Estió vicedecano de Letras en a UNIZAR, y vicerrector de a dita universidat. Estió miembro d'a Real Academia Española (1966), d'a Real Academia de la Historia (1968), concellero en o CSIC (1956), d'o Instituto Cervantes, d'a Universidat Hispanoamericana de Los Ángeles (1965) y d'a Fundación Juan March.
Editó textos clasicos de Baltasar Gracián y de Braulio Foz. Sobre ixe tema escribió Clásicos modernos (1969), con un enfoque innovador d'a poesía d'Unamuno.
En honor suya s'ha instituiu o Premio Francisco Ynduráin de Letras pa os escritors chovens, que organiza o colectivo Bilaketa d'Aoiz dende 1987. Tiene una carrera dedicada en o suyo lugar.
Institución «Fernando el Católico»Editar
Con a Institución «Fernando el Católico», que pende d'o CSIC aon que yera concellero, y d'a Deputación Provincial de Zaragoza, realizó estudeos sobre escritors aragoneses y atros, como Unamuno, Galdós, Valle-Inclán, Jorge Guillén u Miguel Labordeta y sobre literatura anglesa y nortamericana.
Fue coeditor d'a poblicación Archivo de Filología Aragonesa, chunto con José M. Blecua. L'AFA, que edita la Institución «Fernando el Católico», ye a principal publicación academica de literatura y lingüistica que se fa en Aragón.
ObrasEditar
Escribió bells 25 libros, entre ells:
- ¿Por qué nos gusta el Quijote? (1942)
- El dialecto navarro-aragonés antiguo (1946)
- Notas lexicales (1947)
- El Quijote y Don Quijote (1950)
- España en la obra de Hemingway (1952)
- La novela norteamericana en los últimos 30 años (1952)
- Novelas y novelistas españoles (1936-1952) (1952)
- La obra de William Faulkner (1953)
- Mistica y poesía en San Juan de la Cruz (1953)
- Resentimiento español: Arturo Barea (1953)
- El pensamiento de Quevedo (1954)
- Una nota a Celestina (1954)
- Refranes y "frases hechas" en la estimativa literaria del s. XVII (1955)
- Lope de Vega como novelador (1962)
- Obras dramáticas de Cervantes (1962)
- Sobre le nouveau roman (1967)
- Clásicos modernos (1969)
- Relección de clásicos (1969)
- Galdós, entre la novela y el folletín (1970)
- De lector a lector (1972)
- Literatura de España (1973)
- Baroja el Novelista (1974)
- Hacia una poética de Juan Ramón (1978)
- Francisco García Pavón (Madrid, 1982)
- Los Moriscos y el teatro en Aragón (1986)