Foya de la Carrasca

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Foya de la Carrasca (Hoya de la Carrasca en castellano) ye un casal de lo termin municipal d'Arcos de las Salinas, en la comarca de Gúdar-Chabalambre y en la provincia de Teruel. En l'anyo 1999 teneba una población de 2 habitants.

Foya de la Carrasca Hoya de la Carrasca
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Gúdar-Chabalambre Arcos de las Salinas
Partiu chudicial	Teruel
Población  • Total	2 hab. (1999)
Altaria  • Meyana	1081 m.
Distancia  • 75 km	enta Teruel
Codigo postal	44421
Parroquial  • Diocesi  • Arcipestrau	Teruel y Albarracín Mora de Rubielos
Coordenadas	40° 0’ 2’’N 1° 7’23’’U
Foya de la Carrasca Foya de la Carrasca en Aragón

Toponimia

Ye un toponimo transparent en aragonés, catalán y mozarabe formau a partir de "foya" ("plana con cierta concavidat", "clota"), y de "carrasca" (Quercus ilex). En textos medievals escritos en aragonés s'escribe a vegadas Foya la Carrasca, por eixemplo en un memorial de 1451 sobre una sentencia arbitral entre dos arrendadors d'impuestos:

Jayme Royuela del Cuervo, del VIº anyo. II Ib. II s. miga. / Lo collidor de Foyalacarrasca, del VIº anyo. Ib. V s. / Johan Martinez d'Arquos, del VIº anyo. V Ib. VIII s. III.

Cheografía

La Foya de la Carrasca ye situada a l'ueste d'Arcos de las Salinas y a piet de la sierra de Tortallada, muito cerca de la muga con lo termin municipal de Santa Cruz de Moya (Cuenca), La Puebla de Sant Miguel (Rincón d'Ademuz), y Aras de los Olmos (Los Serrans), en un territorio perteneixient a Aragón que desparte lo Rincón d'Ademuz de la resta de lo País Valenciano.

Historia

En la Foya de la Carrasca hi babió una duana que controlaba lo transito de mercaderías entre los reinos d'Aragón y Valencia; en lo sieglo XV fació part de la Sobrecullida de Teruel.

En las Corz d'Alcanyiz de 1436 los representants de los habitants d'Ademuz y Castielfabib demandaban que no lis fesen pagar en ixa duana, que yera de paso obligau pa éls en un texto escrito en catalán:

...no's pot passar a les dites viles de Castellfabib e Ademuz nech contra sino per terra del regne de Aragon per hun pas qui's apellya la Foya la Carrasca, qui's diu esser de terminal de Terol,...

et jat sia que los glorios reys passats hagen fet ses justes provesions sobre lo dit pas de la Foya de la Carrasca e los collectos o arrendados qui contra les dites provisions han atemptat e atempten exhigir dret de General en lo dit pas.

Referencias

• Datos: Q13049072
• Multimedia: Hoya de la Carrasca / Q13049072