Diocesi de Segorb-Albarracín

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

La Diocesi de Segorb-Albarracín u lo Bispato de Segorb-Albarracín estió una antiga diocesi que i habió en territorios de lo sudueste y interior de las provincias de Castellón y Valencia (Comarcas churras). En la suya existencia y historia han influito muito problemas d'influyencia entre Toledo y Zaragoza, y entre Castiella y Aragón.

Diocesi de Segorb-Albarracín Dioecesis Segorbicensis-Albarracinensis
Antiga diocesi d'Aragón y País Valenciano
Entidat  • Provincia	Antiga diocesi Zaragoza
Capital	Segorb y Albarracín
Seu bispal	Seu Basilica de Segorb Seu d'o Salvador
Fundación	18 de marzo de 1259
Desaparición	1577

Quan los cristianos aragoneses conquieren Segorb y atros lugars de las Comarcas churras, Inocencio IV dio bula (12 d'abril de 1247) acomandando la churisdición eclesiastica d'ixos territorios a lo bispe d'Albarracín, y o 18 de marzo de 1259 lo Papa Aleixandre IV decretó la unión de las ilesias de Segorb y Albarracín, mantenindo-se esta unión dica que Gregorio XIII en 1577 las torna a deseparar, esdevenindo diocesis independients de tot la Diocesi de Segorb y la Diocesi d'Albarracín.

Curiosidatz

Las mugas d'a diocesi de Segorb-Albarracín con la diocesi de Tortosa y en menor mesura con l'archidiocesi de Valencia estioron un d'os factors que determinoron la muga de l'aragonés y lo catalán en lo Reino de Valencia y, con la perduga de l'aragonés, la muga de lo castellano y lo catalán. Esto se vei muito vien en a Sierra d'Espadán.

En l'Alto Palancia en a Edat Meya, os bispes de Segorb, enemigos d'o bispe de Valencia, estimulaban a los aragoneses pa que repoblasen a zona. Os churatos de Segorb feban servir l'aragonés y o catalán en lurs escritos.

Bibliografía

• Emili Casanova: La fontera lingüística castellano-catalana en el País Valenciano. Revista de Filología Románica Vol 18, (2001) 213-260.