Cul
O cul[1][2] u culo[1] (d'o latín < CULUS) ye constituyiu principalment por os tres musclos glutios (glutio mayor, glutio meyo y glutio menor), os cuals sirven como elevación y el sostenimiento d'a pelvis, a extensión, l'abducción y a rotación d'o fémur y l'abducción y a rotación d'a cuixa.
En o ser humano, ye a parti inferoposterior d'o tronco sobre a que descansa o cuerpo cuan ye posau. Ye formau por a piel, o teixiu adiposo subcutanio, l'aponeurosi glutia y os musclos: glutio mayor (en os humans, s'ha iu desembolicando mas por l'adopción d'o bipedismo), glutio meyo y glutio menor. En os animals, zona carnosa que rodía l'ano.
A esteatopichia u acumulación de graixa en o cul, se considera una caracteristica adaptativa primitiva muit estendillada en a prehistoria y encara ye un rasgo present en bellas poblacions humanas.
Denominacions populars
editarI hai una gran variedat de parolas emplegadas popularment pa referir-se a lo cul (u en cualques casos a l'ano) en aragonés. Estes son cualques eixemplos: boforón, bufes, bufete, bufatera, bufera, foforón, forón, focillón, tafanario[3].
Ditos y mazadas
editar- «El que no tiene qué fer con o culo caza moscas»
- «O culo no tiene narices»
- «Por a boca, ni gota; por o culo, un cubo»
- «No t'acofles en o duro si quiers tener bien o culo»[4]
Referencias
editar- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Brian Mott El habla de Gistaín, Instituto de Estudios Altoaragoneses, 1989, ISBN 84-86856-15-9, p.210
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.428
- ↑ (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.263
| Partis d'o cuerpo humán | |||||||||||
|---|---|---|---|---|---|---|---|---|---|---|---|
| |||||||||||
