Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre l'articulación d'o codo. Pa atros usos de codo, se veiga Codo (desambigación).

O codo[1] ye l'articulación que une o brazo y l'abantbrazo conectando a parti distal de l'humero con a proximal d'o cubito y d'o radio. O codo poseye ligamentos laterals, anteriors y posteriors.

Codo

A rechión d'o codo incluye puntos destacaus como l'olecranon (a prominencia osia d'a punta d'o codo), a fuesa d'o codo y os epicondilos lateral y medial.

Denominacions populars editar

A denominación codo ye cuasi cheneral en as parlas altoaragonesas[1], trobando-se ancón en ansotano, palabra que en atras variants d'aragonés tien os mesmos signifacaus que "anca" u "cadera".

L'orichen d'a palabra codo se troba en o latín CUBITUM:

  • CUBITU > cobdo > codo.

En aragonés medieval as solas formas que se documentan son as variants ortograficas cobdo u cobdo:

el dito Johan de Fariza aplegose a la dita Lorença et metiole la mano dius del sobaquo, que parecia que y tenia alguna cosa, e saqudiendole la camisa, e ella pretava el coudo.[2]
asi grieument la firio con la spada entre el hombro & el cobdo que por la fuerça del colpe le tallio el braço & del hombro partio la natural coyuntura...[3]
Et manda el alcoram que quando los sarrazines quieren orar que se lauen las manos et la cara et el culo / et el vientre et las plantas de los piedes / et los braços fin alos cobdos / et si non troban agua que se enpoluoro seyen las manos en el poluo et apres que pase(n) las manos poluorosas por la cara de manera que sea bien enpoluorosada.[4]

Estas variants ortograficas cobdo u coudo se troban muito en textos medievals con lo suyo significau d'unidat de mesura de longueza.

Referencias editar

  1. 1,0 1,1 (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo VII, Lamina 1158 mapa 965 (codo), Lamina 1166 mapa 973 (cadera).
  2. (es) María del Carmen García Herrero: Una burla y un prodigio. El proceso contra la morellana (Zaragoza, 1462). Aragón en la Edad Media, ISSN 0213-2486, Nº 13, 1997 , pp 167-194.
  3. (an) Historia Troyana.
  4. (an) Cronica de los Conquiridors.


Partis d'o cuerpo humán
Tozuelo Boca (Labio · Luenga · Dient · Caixal) · Caixo · Cara · Cranio · Frent · Mentón · Naso · Orella · Pulso · Uello (Cella · Parpiello · Pestanya) · Variella
Cuello Foyeta · Garganchón
Tronco Abdomen · Anca · Ano · Cul · Esquena · Huembro · Melico · Peito · Renera · Tórax

Aparato reproductor masculín (Escroto · Pene · Testiclo) · Aparato reproductor femenín (Clitoris · Vachina · Vulva)

Extremidatz Brazo:  Abantbrazo · Caniella · Codo · Dido (Anular · Cordial · Currín · Index · Ungla · Pulgar) · Ixalla · Man · Maniquiello
Garra:  Cuixa · Chenullo · Calcanyar · Clavillar · Piet · Seco
Piel Barba · Mostaixa · Cameretas · Pelo · Zoqueta