N-260
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A carretera nacional 260 u N-260, tamién dita Eixe Pirinenco[1], ye una carretera d'o rete nacional de l'Estau espanyol que trescruza o Pirineu dende o municipio catalán de Portbou dica la ciudat aragonesa de Samianigo, aon que converche con a N-330.
Recorriu
editar.JPG)
A N-260 escomienza en a muga con Francia en o municipio costero de Portbou (Chirona) y emprende ta Figueras por Llançà y Garriguella. En Figueras tien enlaces con a N-II y con l'Autopista d'a Mediterrania AP-7. Contino, sigue ruta ta l'interior y esnaviesa por Navata y dende Besalú dica Olot ye desdoblada como A-26.
Pasa por Vallfogona de Ripollès y Ripoll, aon que enlaza con a C-17 y con a N-152, con a cual comparte o trazau dica Puigcerdà, y dimpués contina de camín ta la provincia de Lleida.
En a provincia de Lleida i dentra por Bellver de Cerdanya y contina por El Pont de Bar dica la Seu d'Urchel. En la Seu tiene enlace con a N-145 que enfila ta Andorra. Dimpués, se'n va ta Vilamur, Sort, Gerri de la Sal, la Pobla de Segur, Senterada y Sarroca de Bellera. En el Pont se troba con a N-230 que comunica la ciudat de Leida con a val d'Arán, y s'achuntan as dos pa fer camino paralelo a la Noguera Ribagorzana dica que se desepara y la N-260 penetra en a provincia de Uesca por o termin municipal de las Pauls.
Esnaviesa por o coll de Fadas en o termin de Bisagorri y alavez dentra en a val de Benás por o mont d'Urmella y va ta Castilló de Sos. En Castilló se mete en o congosto de Ventamillo, tot seguindo la Esera, dica Seira y Campo. En os arredols de la villa de Campo s'esbarra de camín ta Sobrarbe por la Foradada d'el Toscar, mientres que a calzada principal que sigue ta Graus se transforma en l'A-139.
Trescruza o collau de Foradada y esnaviesa por a Fueva en paralelo con a sierra Ferrera, pasando por debant de a Cabezonada, Sant Per de Toledo d'a Nata y Fuendecampo, sigue de camín ta l'Aínsa por Arro, Usana y Banastón. En a villa de l'Aínsa trescruza la Cinca y forma o cruce con l'A-138.
De l'Aínsa marcha ta Boltanya y dimpués ta Fiscal seguindo l'Ara, pasando por a cerrada de Chanovas y os túnels de Baluport. Pasa por la Velilla, la Cort, Santolaria d'Ara y Arresa. En Fiscal se desdobla, y mientres que o trazau principal remonta o barranco de Sant Salvador y forma la variant Yebra-Fiscal de nueva construcción, un segundo camal (que enantes yera o solo que i habeba) sigue ta Sarvisé, Broto y Torla y dimpués cruza o puerto de Cotefablo baixo la denominación de N-260a, y se'n va dimpués ta Biescas por Yesero.
O trazau principal ingresa agora en l'Alto Galligo por os túnels que han foradau a sierra de Canciás, por debaixo d'o puerto de Petralba. A N-260 pasa alavez por a val de Basa entre Fandiello y Orús, plega en Sant Chulián de Basa y Yebra, y remata en a boca d'a val en o barrio d'o puent de Samianigo, aon que s'achunta con a N-330 pa seguir ya de camín ta Chaca con ixe atro nombre.
Puntos problematicos
editarAnque a carretera ha seguiu inversions y milloras considerables, como pasó en 2012 con a inauguración d'a variant Yebra-Fiscal que redució considerablement o trafico por o túnel de Cotefablo, tiene encara numerosos puntos en os que se demanda milloras. En Aragón son destacables:
- O tramo entre Castilló de Sos y Campo por o congosto de Ventamillo, muit estreto y encaixonau con a penya, sin senyalización central en a calzada, considerau capital por os vecins y empresarios de Ribagorza porque ye l'acceso mas important ta la val de Benás y actualment no permite que se i cruce dos cambions u autobuses.[2]
- O tramo entre Fiscal y Boltanya, con calzada deficient y estreta en bels puestos, con trangos muit angostos en curva en a cerrada de Chanovas que causan serior problemas a os vehiclos pesaus y mesmo a os de transporte escolar.[3]
Referencias
editar- ↑ (es) Ley 37/2015, de 29 de septiembre, de carreteras. Consultau o 19 de febrero de 2019.
- ↑ (es) Noticia El Ejecutivo aprueba la licitación del acondicionamiento de la N-260 entre Congosto de Ventamillo y Campo de l'Heraldo de Aragón de 14 d'aviento de 2018. Consultada o 19 de febrero de 2019.
- ↑ (es) Noticia La mejora de la N-260 de Balupor a Fiscal requiere más de 57 millones de inversión de l'Heraldo de Aragón de 16 d'aviento de 2018. Consultada o 19 de febrero de 2019.
