Varsovia

	Varsovia; Warszawa
	Localidat de Polonia
Estau; • Voivodia	Polonia; Mazovia
Superficie	517,24 km²
Población; • Total; • Densidat	; 1753977 hab. (2016); 3.343 hab/km²
Altaria; • Meyana	; 78 m (minima) - 121 m (maxima) m.
Codigo postal	00-001 a 04-999
Chentilicio	Varsoviano/a
Ríos	Río Vistula
Coordenadas	52°13’48’’N21° 0’39’’E
	Varsovia Varsovia en Polonia
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Varsovia (en polaco Warszawa ▶ ⁽ⁱ⁾) ye una ciudat polaca, capital d'o país y d'a voivodia de Mazovia.

A suya población ye de 1.729.119 habitants (2014) en una superficie de 517,24 km², con una densidat de población de 3.343 hab/km². Con a suya aria metropolitana (Obszar Metropolitalny Warszawy), a suya superficie ye de 6.100,43 km².

A ciudat, situata a o canto d'o río Vistula, ye a una altaria d'entre 78 y 115 metros sobre o livel d'a mar. Administrativament, ye dividita en 18 districtos (dzielnice en polaco).

Ye a ciudat de Polonia con mayor numero d'habitans, y tamién o suyo centro economico y cultural, con 66 centros d'almostranza superior, incluyindo a Universidat de Varsovia.

Fa parte d'a Organización d'as Ciudaz d'o Patrimonio d'a Humanidat.

Historia

Varsovia ye a capital de Polonia dende l'anyo 1596, cuan o rei Sechismundo III cambeó a capital de Polonia, que enantes de la Unión de Lublin yera Kraków.

A Segunda Guerra Mundial estió desastrosa pa Varsovia, quedando arrasata a la fin de la guerra. Dende os primers días d'a guerra, o Fliegerkorps VIII d'a Luftwaffe, manato por Wolfram von Richthofen (o mesmo que heba manato o bombardeyo de Guernica por a Lechión Condor en a Guerra Civil Espanyola) fació bombardeyos aerios sobre Varsovia y a suya población civil, luego d'eliminar a l'aviación polaca.

O gubierno d'ocupación alemán concentró a los chodigos de Varsovia y atras localidaz en un guetto (o guetto de Varsovia), dende on dimpués los nimbiaban a Treblinka. Os zaguers chodigos que quedoron en o guetto se subleboron sin exito dimpués que en deportasen a la mayoría. Tamién os polacos se sublevoron sin exito en 1944 en a conoixita Sublevación de Varsovia, sin recibir aduya de l'Exercito Royo sovietico que yera a man. Como resultato la parte viella de Varsovia quedó arrasata de tot, y fue recostruita dimpués d'a guerra.

Población

Puestos d'intrés

Esporte

O 9 d'abril de 2008, l'alcaldesa de Varsovia Hanna Gronkiewicz-Waltz obtenió de l'alcalde d'Stuttgart, Wolfgang Schuster, una placa commemorativa en virtut que a ciudat estase a suya succesora como capital europea d'o esporte en 2008.^[2]

O Estadio Nacional y lo puent Most Świętokrzyski dende lo Wisła.

Instalacions esportivas

O Estadio Nacional, ye un estadio de fútbol y a instalación esportiva mas destacada y representativa d'a ciudat, estió construyiu en Varsovia en o puesto de l'antigo y dilapidado Estadio Dziesięciolecia.

Competicions esportivas

Varsovia estió una d'as seus d'o EuroBasket 2009, chugando-se hi os partius d'o Grupo C en o suyo pabillón Hala Torwar, tamién estió una d'as seus d'a Eurocopa de Fútbol de 2012 organizada de conchuntas entre Polonia y Ucraína.