Almonecir de la Cuba

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Almonecir de la Cuba (en castellano Almonacid de la Cuba) ye un municipio aragonés d'a provincia de Zaragoza, situato en a comarca d'o Campo de Belchit.

Almonecir de la Cuba Almonacid de la Cuba
Municipio d'Aragón
Entibo romano
Entidat  • País  • Provincia  • Comarca	Municipio  Aragón  Zaragoza Campo de Belchit
Partiu chudicial	Zaragoza
Superficie	55,05 km²
Población  • Total	227 hab. (2013)
Altaria  • Meyana	488 m.
Distancia  • 55 km	enta Zaragoza
Alcalde	Gregorio Jalle Ruperez
Codigo postal	50133
Parroquial  • Archidiocesi  • Arcipestrau  • Parroquia	Zaragoza Belchit Santa María la Mayor
Ríos	Aguas
Coordenadas	41°16’46’’N 0°47’32’’U
Almonecir de la Cuba Almonecir de la Cuba en Aragón
Web oficial

A suya población ye de 283 habitants (2010) en una superficie de 55,05 km², con una densidat de población de 5,14 hab/km².

Cheografía

A localidat d'Almonecir de la Cuba ye situata a 488 metros d'altaria sobre o ran d'a mar, en a marguin ezquierda d'o río Aguas, a una distancia de 55 km d'a ciudat de Zaragoza, a capital d'a suya provincia y d'Aragón.

Toponimia

Prene l'apelativo suyo de la Cuba por l'entibo que i facioron os romanos en o sieglo I. No ye d'orichen arabe como gosa dicir-se pero continaba funcionando en ixa epoca.

Bi heba un monesterio en epoca visigotica, y este ye l'orichen d'o nombre. A etimolochia d'o nombre ye mozarabe, no arabe, encara que i trobamos al, y se remonta a o latín MONASTERIUS, como o catalán monestir pero con paso de ST a z como en Caesaragusta -> Zaragoza.

En fuents musulmanas ye mencionato como hisn al-Munastir (Al-Udri) u hisn Bani Jattab (Yakut). En fuents cristianas aragonesas o nombre ha tenito as variants Almonacir, Almoneçir, Almoniçin, Almonazid. L'apelativo "de la cuba" existe ya en 1383. En 1441 trobamos Almonecir de la Cuba en un texto sobre una controversia con os diezmos. Sale en o Fogache de 1495 como Almonecir de la Cuba.

Historia

Al Udri da unas informacions interesants sobre hisn al-Munastir que permiten una correcta identificación en un texto escrito en arabe:

Entre los districtos de Zaragoza ye lo districto de Balsar, a on se troba lo hisn al-Munastir, que se diz Sudd Bani Djattab. N'este districto bi ha una fuent que da augua en abundancia y tien una entibadera. Cuan los habitadors quieren soltar l'augua, la sueltan y cuan quieren entibar-la la entiban y no corre. Asinas lo disposoron los antigos y facioron correr l'augua a traviés d'una penya foradada pa entibar-la u fer-la correr. Ye a trenta millas de la ciudat de Zaragoza.

Yakut exposa con brevedat que:

Balsand ye un nahiya de Zaragoza, en Al-Andalus. Bi ha un hisn dito Bani-Djattab.

Se creye que Almonecir de la Cuba fue conquiesto en 1117/1118 con Alifonso I. Existen referencias escritas a l'entibo dende 1163, en a epoca d'o rei Alifonso II. Existioron dos prebas d'expulsión d'a comunidat musulmana, a primera, de Ximeno Cornel, que falló, y a segunda, de Pedro Férriz de Sesé, que podió poblar o lugar con cristianos en 1323 (u mesmo, ta atros autors, antes de 1323).

Demografía

Evolución demografica

1362 f 1495 f 1842 1857 1860 1877 1887 1897 1900 - - 480 732 714 674 620 682 666

1910 1920 1930 1940 1950 1960 1970 1981 1991 732 768 663 591 662 594 496 407 337

1992 1994 1996 1997 1998 1999 2000 2001 2002 - - 335 - 350 352 339 337 325

2003 2004 2005 2006 2007 2008 2009 2010 2011 312 306 297 302 300 299 289 283 270

2012 2013 2014 2015 2016 2017 2018 2019 2020 252 244 244 255 261 260 252 243 230

2021 2022 2023 2024 2025 2026 2027 2028 - 234 234 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015
Partido Aragonés	7	-	-	-	-	-	0	5	5	5
Partido de los Socialistas de Aragón	-	3	2	3	3	2	2	2	2	0
Partido Popular	-	4	5	4	4	5	5	0	0	0
Total	7	7	7	7	7	7	7	7	7	5

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Gregorio Jalle Rupérez	Partido Popular
2011–2015	Gregorio Jalle Rupérez	Partido Aragonés
2015–2019	José Enrique Martínez Marco	Partido Aragonés
2019–2023
2023–2027	Jose Enrique Martinez Marco	PP

Molimentos

A ilesia de Santa María la Mayor d'Almonecir de la Cuba, una ilesia d'a segunda mitad d'o sieglo XVI adedicada a Santa María. Ye un edificio construyiu en mampostería con nomás que una sola nau dividida en tres trampos con capiellas en planta rectangular y con una torre adosada.

A ermita d'a Virchen d'os Dolors, una ermita en estilo barroco.

Vinclos externos

• Se veigan as imáchens de Commons sobre Almonecir de la Cuba.
• (es) Pachina web oficial municipal.

Bibliografía

• Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.

• Datos: Q1645672
• Multimedia: Almonacid de la Cuba / Q1645672