Codo (Zaragoza)
Codo ye una villa y municipio de la provincia de Zaragoza (Aragón), situata en la comarca de lo Campo de Belchit.
Codo | |||
Municipio d'Aragón | |||
| |||
Entidat • País • Provincia • Comarca |
Municipio![]() ![]() Campo de Belchit | ||
Superficie | 11,4 km² | ||
Población • Total • Densidat |
208 hab. (2013) 18,25. hab/km² | ||
Altaria • Meyana |
342 m. | ||
Distancia • 49 km |
enta Zaragoza | ||
Alcalde | Raúl Cuevas Larrosa | ||
Codigo postal | 50132 | ||
Chentilicio | codinos/as[1] | ||
Río | río Lopín | ||
Coordenadas | |||
Web oficial |
La suya población ye de 208 habitants, en una superficie d'11,40 km², con una densidat de población de 18,25 hab/km².
CheografíaEditar
Ye situau en la depresión d'Ebro en la plana que bi ha entre Belchit y Quinto, a 342 metros d'altaria dencima de lo livel d'a mar y a una distancia de 49 km de la ciudat de Zaragoza, la capital de la suya provincia y d'Aragón. Cerca ye la reserva ornitolochica de lo Planerón, con aus esteparias y una basa con tamarizas.
Lo suyo termin municipal ye rodeyau de tot por o termin de Belchit.
Encara que ye relativament luent de la ribera de lo río Aguas, bi ha unas 1.100 hectarias de regano que reciben l'augua de cequias que vienen de Belchit y de manantials de lo mesmo termin que se recullen en tres basas: la de Codo, la de Senya y la d'Almargén.[2]
HistoriaEditar
Bi ha un chacimiento de tiempos de los visigodos con necropoli (La Varella Castellar). Codo fue reconquiesto chunto con Belchit en lo sieglo XII estando chunto con esta localidat y Sant Per de Lagata entre las primeras localidatz que recibioron repobladors cristians. En l'anyo 1145 ya teneba ilesia y en l'anyo 1177 ya se testimonian intercambios de propiedatz entre cristians. Manimenos la comunidat cristiana no plegó a cuallar y Codo continó estando un lugar habitau quasi de tot por moros.[2]
En lo sieglo XVI bi habió disturbios porque, estando de mayoría musulmana, y negando-sen a pagar decimas a lo monesterio de Rueda en 1580, los moriscos matoron a un pastor tensino y uns azeiters catalans, y dimpués los cristians organizoron una crica pa fer una mortalera pa tornar-sen. Codo ye lo lugar a on ye naixito l'escritor Benjamín Jarnés.
ToponimiaEditar
Lo toponimo Codo puet venir de Godo por hipercorreción respecto a Gacho, Güitiello, Gayata y Gamella que vienen de parabras que en latín u mesmo en aragonés cheneral tienen C inicial.
Bi ha encara microtoponimos en aragonés como La Varella Castellar.
DemografíaEditar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. |
AdministraciónEditar
Reparto de concellersEditar
Partito | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 |
Partido Popular | - | 2 | - | 0 | 2 | 1 | 0 | 0 | 0 | 3 |
Partido de los Socialistas de Aragón | - | 3 | 3 | 4 | 4 | 3 | 3 | 1 | 1 | 2 |
Partido Aragonés | 4 | 2 | 4 | 3 | 1 | 3 | 4 | 4 | 4 | 0 |
Unión de Centro Democrático | 3 | - | - | - | - | - | - | - | - | - |
Total | 7 | 7 | 7 | 7 | 7 | 7 | 7 | 5 | 5 | 5 |
AlcaldesEditar
Lechislatura | Nombre | Partito politico |
---|---|---|
1979–1983 | Benito Ascaso Val | Partido Aragonés |
1983–1987 | ||
1987–1991 | ||
1991–1995 | ||
1995–1999 | ||
1999–2003 | ||
2003–2007 | ||
2007–2011 | Jesús Alberto Lapuerta Barba | Partido Aragonés |
2011–2015 | Jesús Alberto Lapuerta Barba | Partido Aragonés |
2015-2019 | Raúl Cuevas Larrosa | Partido Popular |
2019-2023 | Raúl Cuevas Larrosa | Partido Popular |
FiestasEditar
Dance dedicato a Sant Bernal lo 20 d'agosto. La celebración de Sant Bernal puet estar relacionata con la influencia de lo Monesterio de Rueda.
Presonalidatz naixitas de CodoEditar
Categoría principal: Naixitos de Codo.
- Dionisio Carreras (1890 - † 1943), destacau atleta y primer aragonés en partecipar en os Chuegos Olimpicos.
- Benjamín Jarnés (1888- † 1949), escritor.
Puestos d'intrésEditar
Espacio urbánEditar
- Restas d'o castiello.
- Ilesia de Sant Bernal.
- Casa d'a Villa.
- Ermita de Nuestra Sinyora de Montserrat.
- Lavador
Espacios naturalsEditar
Figuras de protecciónEditar
ReferenciasEditar
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lama 6
- ↑ 2,0 2,1 (es) Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996. p 189-190
- ↑ (es) Resultatos electorals oficials d'o Menisterio de l'Interior
Se veiga tamiénEditar
Municipios d'a comarca d'o Campo de Belchit | |
---|---|
Almochuel | Almonecir de la Cuba | Azuara | Belchit | Codo | Fuent de Todos | Lagata | Lecera | Letuix | Moneva | Moyuela | Plenas | La Pobla d'Albortón | Sant Per de Lagata | Val Madriz |