Wilhelm Emil Meerwein
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Wilhelm Emil Meerwein | |
|---|---|
| |
| Información personal | |
| Calendata de naixencia | 17 de setiembre de 1844 |
| Puesto de naixencia |  Amsterdam, Países Baixos
|
| Calendata de muerte | 25 de chinero de 1927 |
| Puesto de muerte | .svg){kind=small} Hamburgo, Alemanya
|
| Ocupación | Arquitecto |
Wilhelm Emil Meerwein, naixito lo 17 de setiembre de 1844 d'Amsterdam y muerto lo 25 de chinero de 1927 en Hamburgo, estió un arquitecto alemán.
Biografía
editar
Emil Meerwein naixió en una familia orichinaria de Baden y pasó a suya nineza en Suiza. Estudió en a Zürcher Polytechnikum (l'actual ETH Zürich) con Gottfried Semper, un influyent arquitecto y teorico de l'arquitectura d'o sieglo XIX. Dimpués de bels anyos d'estudios en Karlsruhe, a on que conoixió a la suya companyera Bernhard Georg Hanssen, y en a Berliner Bauakademie (en alemán Academia Berlinesa d'Arquitectura), estió traballando como aparellador en a Königlichen Münze (en alemán Reyal Casa d'a Moneda) de Berlín. Viachó por Suecia, Austria, Italia, Grecia y l'Imperio Otomán por motivos d'estudios, antis de treballar entre os anyos 1871 y 1873 ta o Profesor Christian Friedrich von Leins en Stuttgart.
En 1873, dimpués de ganar un concurso ta la construcción d'a Villa d'o Consul Cheneral en Hamburgo, s'asoció con o suyo companyero de facultat Bernhard Hanssen. En os anyos previos a la plegata d'o sieglo XX "Hanssen und Meerwein" s'establió como un d'os millors buffets d'arquitectos d'a ciudat d'Hamburgo, construindo muitos edificios famosos. Entre os mas conoixitos se troba o Kaispeicher B en Hamburgo, construito chunto con o incheniero Alexander Schäfer en os anyos 1878 y 1879. O Kaispeicher B construito antis d'a creyación d'o puerto franco y bels diez anyos antis d'a construcción d'a Speicherstadt, ye o mas antigo d'os edificios que se troban actualment en o puerto franco d'Hamburgo. Dende 2001 ye protechito como Patrimonio Cultural y dende 2007 ye a seu d'o Internationales Maritimes Museum Hamburg (en alemán Museu Maritimo Internacional d'Hamburgo), un gran museu maritimo que aculle a colección de Peter Tamm. Incluso en a construcción d'a Speicherstadt, que yera baixo a dirección de Franz Andreas Meyer (1837–1901), succesor de William Lindley como director d'incheniería municipal d'a ciudat hanseatica, "Hanssen und Meerwein" tenió un gran protagonismo.
Emil Meerwein fació parti dende 1885 d'o grupo de siet arquitectos esleitos por o Senau y o gubierno federal t'aduyar en a construcción d'a Casa d'a Villa d'Hamburgo a l'arquitecto municipal Martin Haller. A primera piedra se metió lo 6 de mayo de 1886 y a inauguración estió lo 26 d'octubre de 1897.
Como arquitecto de renombre, Meerwein estió dende 1901 dica 1919 miembro d'o Parlamento d'Hamburgo, por lo que en 1901 habió de deixar de colaborar activament en os prochectos de "Hanssen und Meerwein". O buffet se zarró en 1905, cuan Bernhard Hanssen por problemas de salut se retiró d'a vida profesional.
Obras
editar
De contino s'amuestra una selección d'as suyas millors obras:
- 1880–1884: Ampliación d'a Bolsa d'Hamburgo, Alter Wall (chunto a Bernhard Hanssen)
- 1881–1883: "Hamburger Hof" en Hamburgo, Jungfernstieg
- 1897–1898: Seu d'a empresa "Laeisz-Hof" en Hamburgo, se veiga Trostbrücke (con Bernhard Hanssen y Martin Haller)
- 1904-1908: Laeiszhalle (Palacio d'a musica d'Hamburgo)
A carrera "Meerweinstraße" en o barrio hamburgués de Jarrestadt, districto de Winterhuder, ye adedicata a Emil Meerwein.[1]
Imáchens
editarReferencias
editarVinclos externos
editar
Se veigan as imáchens de Commons sobre Wilhelm Emil Meerwein.- (de) Historia d'a Casa d'a Villa d'Hamburgo
- (de) Zum Bau der Speicherstadt.
Datos: Q126499- Multimedia: Wilhelm Emil Meerwein / Q126499
