Villarpardo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Villarpardo u Villalpardo ye un despoblau medieval de la Comunidat de Daroca con terreno actualment dividiu entre Torralbiella y Mainar, en la comarca natural de Campo Romanos, en la comarca oficial de lo Campo de Daroca, en la provincia de Zaragoza y en Aragón.

Villarpardo
Despoblau medieval d'Aragón
Entidat  • País  • Provincia  • Comarca  • Municipios	Despoblau medieval  Aragón  Zaragoza Campo de Daroca Torralbiella y Mainar
Partiu chudicial	Daroca
Población  • Total	0 hab. (2014)
Parroquial  • Archidiocesi  • Arcipestrau	Zaragoza Daroca
Coordenadas	41°12’ 0’’N 1°19’ 2’’U
Villarpardo Villarpardo en Aragón

Toponimia

Lo toponimo Villarpardo ye una forma composada por villar (tipico de toponimos de tiempos de la reconquiesta) y de pardo (más fácil una metatesi de prado que una referencia a la color).

Atra posibilidat sería una composición Villa+(de)lo+Pardo, pero ye menos probable porque ye dificil pensar que una localidat tan chica hese teniu lo títol de villa en lo periodo que perteneixió a Daroca, de no estar lo caso que se remontás a una villa romana muito anterior a la reconquiesta.

La primera mención d'este lugar estió lo texto de 1205 de reparto de decimas y primicias feita por lo bispe de Zaragoza Remón de Castrocol:

Clerici et ecclesia Sancti Petri habent Olalia, Pelarda, Fuents Claras, Villargasconem, Lectago, Luco, Tramasaquas, Salze, Villalpardo, Torralva del Senyor, Badules, Tordenigris, Ferrera. Clerici et ecclesia Sancti Andree habent Cerbera, Sarçola, Michael, Romanos, Lançola, Baldeforna, Tampariellas.

En ixe mesmo texto se fa mención d'un lugar dito Las Casas que corresponde a un nuclio de población cerca de Villarpardo y que en textos posteriors ye conoixiu como Las Casas de Villarpardo. A diferencia de Villarpardo, pagaba decimas a la Ilesia de Sant Chuan de Daroca:

Clerici ecclesiea Sancti Johannes, habent Portelrubeo, Tuera, Las Casas, Collados, Manchones, Salze, Murero, Baselga, Aldea Dominico Ferrero, Ceyda.

En 1373 no se fa mención de Villarpardo en lo "Libro de Manisfestación de lo Morabetín de las aldeyas de la Comunidat de Daroca", pero si que se nombra uns cuantos habitadors de Mainar que teneban como apelliu de Villalpardo: Miguel de Villalpardo, Gil de Villalpardo y Matheo de Villalpardo.

Una canal artificial feita pa desauguar l'augua de lo plan enta La Uerba leva lo nombre d'arroyo de Villalpardo.

Historia

Seguntes Asso fue adhibiu a Torralbiella y Mainar.

Villarpardo agregado à Torralva, y à Mainar.

Las decimas que pagaban los habitadors de Villarpardo fuoron adchudicadas a la ilesia de Villa-reyal de la Uerba.

Vinclos externos

• Villarpardo en la Xilocapedia

Lugars desapareixius d'o municipio de Mainar
Las Casas de Villarpardo | Villarpardo

Lugars desapareixius de Torralbiella
Las Casas de Villarpardo | Villarpardo